Mali Hka Madim Hte Seng N’na Mungdan Hpaji Jaw Salang Awng San Suu Kyi A Ningmu

2019 ning March shata 14 ya shani hta, Pagu ginwang kaba, Pyae muklum hta, Myen mungdan a hpaji jaw salang Awng San Suu Kyi hku nna, mung shawa kanu kawa ni hte hkrumzup ai shaloi, mung shawa langai gaw Awng San Suu Khi hpe Mali hka madim hte seng nna san wa ai hta lawu na hte maren htai da ai hpe chye lu ai.

● Masing kaba hte seng nna, Sut masa, shinggyim uhpawng hte seng ai masa, mung masa, shingra tara hte seng ai masa mali hte hpe yu let, Asuya hku nna lit la chye ai masa hte lajang mat wa na, dawdan ai lam ni hpe mung, hpa majaw dawdan galaw ra ai hpe mung shawa de tang madun sa wa na ngu tsun wa sai.

● Mali hka madim masing hte laga masing kaba ni hpe, anhte mung shawa ni hpe, dam la da ai hku nna myit shangun mayu ai, anhte mungdan a sari sadang hte, anhte hpe mungkan kaw nna kam hpa wa lu na matu, anhte jaw da ai ga sadi ni hpe grin ra na re” ngu tsun wa sai.

Mali hka madim hpe Myen hpyen Asuya kawn Miwa Asuya hte myithkrum ta masat htu da ai masing kaba rai nnga, mali hka madim hpe US$ 3.6 Billions daram hte gawgap sa wa na masing kaba langai re.

Dai ni na, Awng San Suu Kyi a ga manaw hpe yu jang, Asuya hku nna Mali hka madim hpe matut gap na matu lajang da sai hpe sawm maram yu lu sai. Asuya hku nna myit hkrum da ai rai tim, Myen mungdan a mung shawa malawng maga gaw ninghkap sa wa mai ai majaw, NLD Asuya a matu mung masa mahkam kaba langai rai wa na hpe mu mada lu nga ai.

REF: State Counselor FB, Irrawaddy
Ja Tawng Naw

Leave a Reply

Your email address will not be published. Required fields are marked *