Mali Hka Madim Hte Seng Ai Hpang Jahtum Na Shiga

0
52

1 ) Mali Hka madim hpe galaw na shara hte hkrang shadang hpe galai na myit nga
Mali hka madim gaw gap sa wa na hpe, mung shawa ni ninghkap ai hte seng nna, Myen Asuya a maigan mung arang bang ai hte matut mahkai dap a hkringmang U Thaung Tun hku nna, 2019 ning January shata 29 ya shani hta lawu na matu maren tsun wa sai.


“ hka madim masing a hkrang shadang hpe shayawm kau na, (sh) shara htawt sit ai ( sh ) laga masing langai hte galai jaw ai lam ni hpe myit nga ai ngu” tsun wa sai.


Ndai hku tsun shaga ai gaw, NLD Asuya hku nna, shawng na lang tsun shaga hpang wa ai hpe chye lu ai.

2) Hkringsa Hkringmang U Soe Thein a ning mu
U Thein Sein Asuya ten hta, tsaw dik htum ningbaw shara hta lawm nna, ya na asuya hta amat hku nna lawm nga ai U Soe Thein hku nna gaw, Mali hka madim hte seng nna, Mali hka mazup gaw Kachin Wunpawng myu sha ni a matu ahkyak ai shara re ai majaw n’mai galaw ai, masing hpe laga shara htawt nna galaw jang htap htuk ai ngu, Jan 29 ya shani na rapdaw zuphpawng hta, shiga dap ni san ai shaloi tsun wa sai.

3) Lawu Myen Mung hta ninghkap n’gun madun
Miwa Asuya ni hku nna Mali hka madim hpe bai galaw na matu shamu shamawt wa ai hpang, lawu mung na mung shawa ni mung January shata 28 ya shani, Pathein mare hta marai 300 jan, 27 ya shani
hta gaw, Yangon muklum hpung zuphawng gawknu shawng kaw marai 50 daram hte Mali hka madim hpe tsepkawp jahkring kau na hku ninghkap n’gun madun wa sai.
“ Simsa u ga Mynamar “ hpung kaw nna woi awn ai ningbaw ni hku nna, Mali hka lwi yu wa ai, mare 20 hta matut nna ninghkap ai lam ni galaw nna, mung shawa ni a nignghkap ai ta masat mai sau pa ni, hpe Miwa asuya hpe jaw na lam lajang nga ai lam chye lu ai.

REF: RFA, VOA
Ja Tawng Naw

LEAVE A REPLY

Please enter your comment!
Please enter your name here