Mali HKa Madim Hpe Woi Galaw Ai Mung Masa La gaw, Tinang Hkum Tinang Sat Si Ai Hte Bung Ai

0
36
Bertil Lintner, expert on Burmese issues, is seen in Yangon, Myanmar on 15 June 2013. He has been blacklisted by Myanmar authority since 1985.

2019 ning April shata praw 9 ya shani hta, Myen mungdan kata na Miwa Asuya dawhpum shatai ya ai masing kaba ni hte seng nna Swedish amyu sha, shi laika sara kaba Bertil Lintner hpe Irrawaddy shiga dap ni san htai galaw da ai kaw nna, Mali hka madim hte seng ai lam nkau hpe shi a ning mu ni hpe tang madun dat ai.

“Mali Hka madim hpe bai hpang na matu myithkrum ai rai jang, mung masa hku gaw tinang hkum tinang sat si ai lam re ai hpe Awng San Suu Kyi chye na ngu ngai kam ai. Du wa na shaning hta Myen mung kaw ra lata poi bai galaw sana majaw, gara mung masa la rai tim, ndai zawn dangrang hkat ra ai lam rai nna, mung shawa ra sharawng ai lam n law ai masing kaba ni hpe atsawm myit ra na re. Ninghkap hpung hta rai taw ai shaloi, Awng San Suu Kyi hku nna Mali Hka madim hpe kade daram ninghkap lai wa sai hpe yawng myit dum na re. Raitim ya shi a ningmu ni galai shai mat wa sai, Ndai lam ni, shi hpe astawm san ra na re”.

“Kaja wa tsun ga nga jang, Mali Hka madim hpe bai hpang na matu Miwa Asuya ni galaw wa ai hpe ngai grai mau ai. Miwa ni hpe nju ndawng ai lam ni, Miwa hpe ninghkap ai myit ni Myen mung shawa hta kade daram dam lada ai hku byin wa na hpe Miwa Asuya hku nna chye ra ai. Miwa mung hku nna Myen mung kata hta shanhte mai kaja ai lam hpe grau kaja shangun mayu jang, ya Miwa hpe ninghkap nga ai hpe grau kaba hkra shabyin na malai, ndai Mali hka madim hpe tsepkawp jahkring kau ra ai,” ngu ai hpe tsun shaga wa sai.

REF: Irrawaddy
Ja Tawng Naw

LEAVE A REPLY

Please enter your comment!
Please enter your name here