Mali Hka Madim Hpe Tespkawp Dawm Kau Na Matu Kahtawlik Saradaw Hpung Kawn Hpyi Shawn

0
63

2019 ning June shata praw 8 ya shani hta, Myen mung Kahtawlik Saradaw kaba hpung ginjaw ( CBCM ) kawn, Mali hka madim hpe bai masam maram yu n’na, tsepkawp jahkring kau na matu hpyi shawn ai hpe chye lu ai.

Lahta na lam hte seng n’na hpyi shawn wa ai hta, Myen mung ting na Kahtawlik ginwang kaba 16 a gawng malai Saradaw kaba marai 19 kawn madi shadaw ta masat htu da sai.

CBCM a hpyi shawn ai lam hta, “ hka madim kawn lu la na amyat ni gaw, shingra Tara hte shinggyim nga pra kanawn mazum lam ni htenza mat na lam hte shingdaw yu jang, mai shing daw ai madang nrai nga ai. Mungdan kata na simsa lam ni mung, n’di n’da Rai nna, shingran yupmang zawn rai mat mai ai hpe,” tsun shadum ai hpe chyelu ai.

U Thein Sein Asuya aten hta jahkring pat tawn da ai madim hpe, NLD Asuya aten hta, komishin langai lajang n’na sawk sagawn ai lam ni galaw ai, madim masing hpe shayawm kau ai hte, shara htawt n’na galaw na matu Miwa Asuya hte bawngban nga ai hpe, Arang bang ai hte maigan Sut hpaga htinglet dap a kring mang U Taung Tun kawn tsun shaga wa sai.

REF: Irrawaddy

Ja Tawng naw

LEAVE A REPLY

Please enter your comment!
Please enter your name here