Malaysia Mungdan Na Myen Sumtsan Salang Rung Hpe Bawm Kapaw Na Ni Hpe Lu Rim

0
18

2019 ning May shata 13 ya shani hta Myen bunggyi jawng, Hindu nawku jawng, Hkristan Nawku jawng, Myen sumtsan salang rung hte Kalng Valley na pyaw chyai ginra ni hpe bawm kapaw gasat na matu hkyen lajang nga ai IS dawsa hpung malawm 4 hpe Malaysia balik ni hku nna lu rim ai hta, Rohingya 2 lawm nga ai hpe Hpyen du kaba Abdul Hamid Bador tsun ai hpe chye lu ai.

Dai Rohingya 2 kaw nna 1 gaw, UNHCR kawn jaw da ai tsinyam masat hpe lang da ai wa rai n’na, ARSA hpung hpe madi shadaw ai wa re ai hpe mung chye lu ai.

Asak 20 ning re ai Rohingya ramma gaw, Kuala Lumpur mare na Myen sumtsan salang rung hpe gasat na matut lajang nga ai rai nna, hpang langai Rohingya gaw asak 25 ning daram re nna, IS hpung a kri madung masha langai re ai, ngam nga ai lahkawng gaw Malaysia hte Indonesia ni re ai hpe chye lu ai.

REF: CNA, The Strait times
Ja Tawng Naw

LEAVE A REPLY

Please enter your comment!
Please enter your name here