Majan Laja Lana Byin Wa Na Lam Mung Shawa Hpe AA Shadum

0
34

Myen hpyen dap hte AA rawt malan hpung ni Rahkaing mungdaw Bu-thi-tawng ninghtawn hta 2019 ning April shata 27 ya kawn majan laja lana gasat ai kaw lahkawng maga hkrat sum ai lam ni byin wa ai majaw, grau laja lana byin wa na masa nga ai hpe Rahkaing mung shawa ni hpe sadi maja let hkawm sa na matu AA kawn shadum ai hpe chye lu ai.

Majan gasat nga ai lam hte seng nna, AA tsun shaga lu ai Salang Khaing Thu Hka hku nna tsun shaga da ai hta:

● 27 ya, Bu-thi-tawng Sinpraw Dingdung bum mayan hta majan lahkawng lang byin ai, Myen hpyen dap ni n’gun kaba hte htim gasat majan galaw ai hta, Myen ni maga marai 20 daram hkrat sum, AA kawn 1 si hkala hkrum

● 28 ya jahpawt 8:30 AM daram hta kalang bai htim gasat ai.

● 26 ya kawn Pa-let-wa ninghtawn maga de Myen Dap nu (77) kawn hpyen n gun 1000 jan bai jat nga ai.

● 27 ya hta Ya-thae-taung ninghtawn hta Myen hpyen dap kawn majan byin ai shara hte majan n byin ai shara ni maga de matut manoi gap ai pila pyen 122/mm missile hte gap ai lam galaw wa sai. ( dai hpe Myen hpyen ni n gap ai ngu masu ai)

Missile 122/mm hte gap

Dai zawn majan laja nga ai hte, hpyen n gun jat nga ai majaw, AA kawn mung shawa ni hpe Rahkaing dingdung daw de hkrum lam n hkawm na hte, mare masha ni dum bri dum bra n nga ai sha rau jawm nga na matu shadum nga ai.

Rahkaing mungdaw hta majan lajan lana gasat nna, mung shawa ni si hkala yakhkat hkrum ai lam ni law wa ai majaw, Rahkaing amat ni hku nna, hpyen gasat ai lam hpe mung masa mayak hpe simsa ai ku bawngban nna mahtai tam na matu shadut nga ai.

Majan a majaw Rahkaing mungdaw hta mare masha ni 50 jan si hkala hkrum n’na, IDPs marai 35135 jan nga sai hpe chye lu ai.

REF: Shawng lam shi sawk, VOA
Ja Tawng Naw

LEAVE A REPLY

Please enter your comment!
Please enter your name here