Lamu ga Jarit hta Myen Dawnghkawn hpe Jahten Ai Hpe Miwa Sumtsan Salang Hpe Shadum

0
96

Myen Mung hte Miwa mung lamu ga jarit, Kokang madu uphkang lu ai shara hta, Myen mung dawnghkawn jun da ai shara hpe Miwa jarit sin dap ni, jahten kau ai hte seng nna, Myen mung hte seng ai Miwa sumtsan salang hpe, Myen mung a maigan mung hkringmang rung kawn shaga let, shadum shana ai lam galaw ai hpe chye lu ai.

Lai wa sai 2019 ning January shata 29 ya shani hta, Kokang madung uphkang ginra, Chinshwehaw muklum, daw (2) hta nga ai, jarit masat shadaw BP -144/3 hte 144/4 lapran jarit hte meter 4 daram gang ai hta jun da ai Myen dawnghkawn shara hpe, Miwa jarit sin dap ni shang wa nna, dawnghkawn jun da ai kankret tawng hpe jahten kau nna, Miwa dawnghkawn hpe galai jun da ai lam ni byin wa sai.

Dai lam hte seng nna, Myen mung maga de nna, galaw ging ai lam ni yawng hpe, galaw lajang ngut sai ngu nna Kokang rapdaw salang U Kyaw Ni Naing hku nna tsun wa sai.

Mungdan lahkawng hku nna jarit mayan hte seng ai bawng ban jahkrum ra ai lam ni nga ai majaw, lahkawng maga mahkang byin chye ai lam ni hpe n’galaw na matu, Myen Asuya lit nga ai ni hku nna February shata praw (7) ya shani hta seng ang ai ni hpe shana da ai lam hpe mung chye lu ai.


REF: BBC, Shawng lam shi sawk
Ja Tawng Naw

LEAVE A REPLY

Please enter your comment!
Please enter your name here