Lamu Ga Eka 5 Lawu Sha Mai Htu Na N’hparng Sut Rai Htu Shaw La Ai Tara hpe Rapdaw Shagrin

2018 Ning Dec shata 18 ya hta, Myen mung munghpawm rapdaw kawn lamu ga shara kaba  hku htu shaw la ai,  N’hprang sut rai htu shaw la ai tara nhprang hpe shagrin sai lam chye lu ai.

Company langai hpe lamu ga Eka 50 daram dam ai hpe mai htu  ai kaw nna, ya na tara ningnan hta gaw, Eka 5 a lawu sha mai htu na sai. Dai sha n’ga, galaw mai ai  aten ladaw ahkaw ahkang hpe mung, 6 ning lahkawng lang mai lu ai hta na, 3 ning shayawm dat nna, lahkawng lang sha aten ladaw hpe mai jat sai majaw, Company langai hpe 9 ning sha mai galaw sana hku ang wa sai.

Ndai hku galaw ai hpe yaw shada ai gaw, Mai gan mung dan ni hte, Asuya madu ai company kaba ni hku nna grai kaba ai hku arang bang nna htu shaw la ai hpe shadang masat tawn dat nna, dangdi dangdep ai hku galaw htu shaw nga ai mare buga masha ni a maw ni hpe makawp maga na matu mung yaw shada ai ngu nna rapdaw amat U Maung Maung Ung hku nna tsun san lang ai.

Ndai n’hprang sut rai htu shaw la ai tara n’hprang hpe Myen mung gumsan magam U Win Myint hku nna ta masat htu ngut sai nga jang gaw, grin mat wa sai  lam tang madun dat ai.
REF: BBC
Ja Tawng Naw

Leave a Reply

Your email address will not be published. Required fields are marked *