Laknak N’gun Kaba Shaw Madun Ai 30 Ning Ladu Hpring UWSA Hpyen Dap

0
106

2019 Ning April shata 15 ya shani hta, UWSA Wa amyu sha myithkrum myitra hpyen dap a 30 ning ladu hkrum masat poi hpe Wa Mungdaw, Pang Sang muklum hta galaw nga sai hpe chye lu ai. 30 ning hpring masat poi hpe April 15 yaw kawn 17 du hkra masum ya tup galaw na hpe lajang da sai.

Lai wa sai, 1989 ning hta Pauk Yu Chan woi awn ai, Wa amyu sha rawt malan hpung ni gaw, Myen mung kummyunit parti kawn garan pru nna, April 17 ya shani hta, UWSA ngu ai Wa amyu sha myithkrum myitra hpyen dap hpe gaw de wa sai. Dai hpang May shata 9 ya shani hta Na-Wa-Ta hpyen Asuya hte Simsa lam hte seng ai myit hkrum ga sadi ta masat du da sai gaw dai ni na aten du hkra rai w sai.

Hong Kong hta rudi ai Asia Times shi ga hta UWSA gaw Asian dan hta rawt malan hpung ni kaw nna n’gun kaba dik htum ai hpung langai tai wa sai hpe tang madun da ai.

Shaning 30 ning ladu hkrum wa ai ten hta, UWSA a hpyen n’gun gaw dringgrin hpyen la – 20000, shingnan dap- 15000 daram nga wa nna, Miwa hpyen dap ni lang ai prat dep laknak nkau mi hpe Wa hpyen dap ni lu lang wa sai. Dai ni gaw:

Gawt ai wa n’lawm ai drone nbung li kaji,
M-99 mayun gap ai sanat,
QBZ-95 Bullpup raihpe sanat,
FN-6 ( Manpads ) nbung li gap ai pila pyen laknak,
HJ8 Red Arrow tank jahten pila pyen,
105 MM Recoilless tauhpau,
Norinco 122 MM tauhpau kaba hte
107 mm Free Fight pila pyen ni rai nna,
Miwa kaw nna ladat la da nna, Wa mung hta bai galaw shapraw ai,
Type-81 raihpe sanat, CS/LS06 jak sanat kaji ni hpe 30 ning ladu hkrum nhtoi hta shaw madun ai hpe mu lu ai.

UWSA gaw Miwa Asuya a shingdu kawn madi shadaw da ai hte laknak machyu pila ni hpe dut da ya ai majaw, Asan dan hta n’gun kaba dik hpung lagnai ai wa sai hpe chye lu ai.

REF: RFA, BBC, Asia Times
Ja Tawng Naw

LEAVE A REPLY

Please enter your comment!
Please enter your name here