Kyauk- tan Mare Hta Rim Da Hkrum Ai Ni Sinat Gap Hkrum Ai Majaw Marai 6 Si Hkala Hkrum

0
67

Rahkaing Mungdaw Ya-the-taung ninghtawn Kyauk-tan mare hta, mung shawa 270 jan hpe Myen hpyen dap ni hku n’na, April shata 30 ya kawn rim jep sagawn ai lam hpe galaw nga ai hta, 2019 ning May shata praw 2 ya jahpawt jau ten hta, sinat gap ai lam byin nna, rim da hkrum ai marai 6 si nna marai 8 hkala hkrum ai hpe chye lu ai.

Myen hpyen dap kawn, AA hpung a hpyen ma n’nan sharin shara langai hpe zing da lu nna, dai kaw lawm ai ni gaw Kyawk-tan mare de hprawng mat ai majaw, mare hta nga ai htinggaw 477 hpe jep ru ai shaloi mari 275 hpe AA rawt malan hpung hte matut mahkai nga ai ngu ai hpe, n’tsen ai lam hte matut nna rim jep sagawn nga ai hta 2 ya jahpawt jau, masha n’gun kaba hte laknak wa kashun ai majaw gap lajang wa ai shaloi ya na zawn si hkala hkrum ai lam byin ai hpe tsun shaga wa sai.

AA tsun shaga ahkang lu ai Kkaing Thu Hka hku nna gaw, shanhte a hpyen shaman ai shara hpe lu zing la ai gaw, n jaw ai hte, AA ni mung Kyauk- tan mare hta shang ai lam mung n nga ai ngu bai tsun jahpra wa sai.

Mung daw amat U Than Naing hku nna, “ hkala hkrum ai ni tsun dan wa ai gaw, shanhte rim da hkrum ai hta, myit hkam kaja lam ra ai masha langai lawm ai, dai wa hku nna n’dum n’dam majoi abrawp shaga wa ai hta, gap hpang ai ngu n’na, “ mbyin hpe tsun wa sai.

Lai wa sai April shata ( 10 ) ya shaloi mung, AA hte matut mahkai ngu ai hte rim jep sagawn hkrum ai Myauk-u ninghtawn Let-ka mare masha ( 27 ) kawn marai 3 si hkala hkrum wa sai.

Ndai zawn mabyin hpe mare masha ni hku nna, majan byin ai ginra mi nre tim, Myen hpyen dap hku nna Rahkaing myu sha ni hpe dingsang jahkrit shama ai lam hpe galaw nga ai re hpe tsun nga ai hpe chye lu ai.

REF: RFA, VOA
Ja Tawng Naw

LEAVE A REPLY

Please enter your comment!
Please enter your name here