Kunming Zuhpawng Hta Myen Hte TNLA / AA / MNDAA Ni Myithkrum Ai Lam Lu

0
265

Asuya a Simsa lam komishin hpung hte, NCA hta ta masat grai n’htu shi ai, Dingdung rawt malan hpung masum gaw, Miwa mung Kunming mare zuphpawng hta, simsa lam hte seng nna rau shang lawm galaw sawa na lam hpe myit hkurm ai lu la sai hpe chye lu ai.

Ndai zuphpawng hta, 2016 ning kaw nna, n’mai jahkrum mat ai gasi, gayan ni hpe lahkawng maga myit hkrum let lu jahkrum sai ngu, PNLA a tsun shaga ahkang lu ai, Du kaba Tar Aik Kyaw hku nna tsun ai.

” 2016 ning shaloi, anhte myitrum wuhpung ni hku nna ndau laika shapraw na hte seng nna, gasi gayan jahkurm ai hta, Myen hpyen dap hte nmai jahkrum mat nna, hkrum zup bawngban hpung gaw hkring mat wa sai, dai ni na zuphpawng hta gaw, lahkawng maga myit hkrum ai gasi mai lu sai majaw, kade nna jang ndau shana wa sa na,” ngu matut tsun ai.

2016 ya August shata zuphpawng na myit hkrum ai lam n’mai lu mat ai lam gaw, Myen hpyen dap ni hku nna, laknak lang ai hpe tsep kawp dawm kau na hpe hpyi shawn nna, rawt malan hpung ni maga de gaw, kahtik kahtawk byin nna laknak lang ai manghkang hpe tsep kawp shazim na hpe ra sharawng ai lam ni hta, lahkawng maga n’mai jhkrum mat nna, bawngban hpawng ni hkring mat wa sai.

2018 Dec shata 12 ya shana daw hta, Dingdung myitrum jinghku rawt malan hpung masum hku nna zuhpawng hte seng nna ndau shana ai hta, “ Simsa lam hpe lawan ai hku lajang sa na lam hte, mai kaja ai simsa lam galaw sa wa ai hta, gasat gala ai ladat hpe jahkring da nna, mung masa bawngban ai ladat hte galaw mat na hpe ra sharawng ai “ ngu ai hpe tsun ndau dat ai.

Ndai laman gaw, TNLA hte AA ginra ni hta majan matut manoi byin nga nna, Kuming zuphawng hta  majan hkring na lam grai nbawng ban shi ai majaw, majan hkring na hte seng nna Myen hpyen dap ni hte kalang bai bawng ban jahkrum ra na masa nga nga ai hpe chye lu ai

REF: VOA
Ja Tawng Naw

LEAVE A REPLY

Please enter your comment!
Please enter your name here