KNU Ni NCA Masa Lam Hpe N Kam Wa

0
208

Myen mung simsa lam  lu na matu  2008 ning gawda ai tara hpe gram lajang nna sim sa ai ladat hte manghkang ni hpe hparan ra ai hpe KNU amu madu Padoh Saw  Tar Doh Mu kawn May shata 20 ya daram hta  tsun shaga ai hpe chye lu ai.

“ Simsa lam hpe gaphkat jahkring ai hte sha n mai lu ai,  gawda ai tara hpe gram lajang n’na,  manghkang mabyin ni hpe  si mani ai ladat hte hparan mayu ai atsam, galaw lu ai n’gun, htauli htauli myit  hte yawng jawm shakut ra na re,” ngu tsun wa sai.

NCA hpe lajang wa ai shaloi, shada chyena hkat ai (3) ning jan wa sai,  shai mat wa ai lam ni hpe bai n mai gram ai masa de du wa ai majaw, KNU hku n’na tara shang zuphpawng hpe nlawm ai sha, laga hkrum zup bawngban hpawng kaw n’na bai sharai shading na shakut ai masa hpe tsun wa sai.

NCA a tara shang zuphpawng ni hta n’lawm ai ten hta, Asuya hte 6 lang daram laksan bawngban hpawng ni galaw wa sai.

Lai wa sai May shata 14 – 18 ya hta galaw ai PPST ta masat htu da sai chyawm tari zuphpawng hta, KNU ni hku nna PPST kawn  PPCM de galai na matu tang madun wa sai. PPCM ( Peace process Consultative Meeting ) a lachyum gaw  NCA hta ta masat grai nhtu da shi ai rawt malan hpung ni yawng lawm wa na hku yaw shada ai wuhpung langai re ai.

Dai PPCM hpe n’kau ta masat htu da sai hpung ni hku n’na nra sharawng ai lam ni nga ai. KNU hku n’na gaw NCA masa lam atsawm bungli nbyin ai sha n’ga, amyu bawsang ni a rawt malan hpe  tara shang shangut kau na masa hpe mu mada wa ai majaw, PPCM ngu ai rawt malan hta grau mahkrum madup nga ai hte mung masa hta kung kyang ai rawt malan hpung ni, myit hkrum let shang lawm wa n’na Myen mung simsa lam hpe masa lam ningnan hte bawngban sa na hkyen wa ai hpe mu lu nga ai.

REF: Irrawaddy, 7days

Ja Tawng Naw

LEAVE A REPLY

Please enter your comment!
Please enter your name here