KNU Hte Myen Simsa Lam Komishin Chiang Mai Hta Zuphpawng Galaw

0
52

Myen mung Ausya a Simsa lam komishin hpung hte KNU ni a lapran hta Simsa lam hte seng ai masa ni matut galaw lu na matu bawngban hpawng hpe, 2019 ning January shata praw 13 ya shani, Thai mungdan Chiang Mai mare hte galaw ai shiga na lu ai.

KNU hte Asuya Simsa lam komishin lapran hta, simsa lam hte seng nna, tau hkrau masat da ai lam n’nga ai zuphpawng ni kaw nna, tara shang zuphpawng de lawan ai hku bai du lu na matu, kaja ai masa lam ni nga wa ai hpe Myen mung hpaji jaw salang rung a tsun shaga ahkang lu ai U Zaw Htay hku nna, zuphpawng ngut ai hpang shi laiak sara ni hpe tsun ai.

“ Simsa lam masa hta shang lawm ai wuhpung ni a tsang hpa lam ni hpe, san hkra jahkrum galaw ra ai baw re ai majaw, ndai zuphpawng hta rawt jat ai lam ni nga wa sai,” ngu shi hku nna matu tsun ai.

KNU ni hku nna 2018 ning November shata praw hta, Simsa lam hte seng nna, NCA zuphpawng ni hpe tara shang lung na hte seng nna gang hkring da na hpe ndau shana ngut ai hpang, 2018 Nov 18 ya hta Myen simsa lam komishin hte shawng na lang hku hkurm zup bawngban nna, dai ni hte rai jang lahkawng lang rai sai hpe mung chye lu ai.

Matut nna, KNPP, RCSS, KIO ningbaw ni hte mung hkrum zup bawngban na lam hpe chye lu ai.

(Myen ni hku nna gaw, NCA hte seng nna, KNU hte RCSS ni bai shang lawm lu wa na matu, maja ladat tam galaw nga ai hpe mu lu nga ai.)

REF: RFA
Ja Tawng Naw

LEAVE A REPLY

Please enter your comment!
Please enter your name here