KNPP Hte Myen Hpyen Dap Zuphpawng Hta Kaja Ai Mahtai Pru

0
49

2019 Ning March shata 19 ya shani hta, Naypyitaw muklum hta, KNPP Karenni rawt malan hpung hte, Myen hpyen dap dat kasa hpung ni hte hpyendap a lam hte seng nna hkut hkut nai nai bang ban lu ai lam hpe chye lu ai.

Hkrumzup bawng ban hpawng hta, Myen maga de na gaw Du Daju Yar Pyae woi awn nna, KNPP maga de nna gaw Khu Oo Reh woi awn let hkinghkum masum daram bawng ban wa sai.

Myen hpyen dap kawn shata mali gaphkat jahkring ndau ngut ai hpang, Kayah mungdaw, Demoso, Hpa-saung, Shar-Daw, Mae-se mare ni hta, hpyen n’gun jat wa ai hte, Hpyen masa shamu shamawt ai lam ni hte seng nna tsun shaga bawng ban wa sai. Bawng ban ai lam hta,

● Gasat gala nbyin ai masa hpe lahkawng maga hkang lajang na
● Hpyen shamu shamawt ai lam hte hkawm sa na nga jang tau hkrau shana hkat na matu
● Laknak n’lang ai sha hkawm sa na matu hte, lama na laknak hte hkawm sa na rai jang mung, tau hkrau shana na

Dai ni na hkrumzup ai lam hpe n’gun lu ai ngu KNPP a tsun shaga ahkang lu ai Salang Nae Nae Plo hku nna tsun wa sai, matut nna du wa na April shata hta kalang bai Myen hpyen dap hte hkurmzup bawng ban wa na hpe chye lu ai.

KNPP ni hku nna, March shata 18 ya shani hta mung, NRCP hte, hpaji lam, hkam kaja lam hte bawng ring lam hte seng nna yak hkat ai lam ni hpe, bawng ban jahkrup wa sai.

NRCP hku nna, FPNCC hte rau KNPP ni March shata 21 ya shani hta NRCP hte hkurm nna, 22 ya shani hta Myen hpyen dap hte hkrum na matu tsun ndau da ai hpe, KNPP ni hku nna FPNCC ni hte rau nre ai sha, loi jau nna, shan hte hkrai laksak hkrum ai lam hpe chye lu ai.

REF: RFA, Shawng Lawm Shi sawk
Ja Tawng Naw

LEAVE A REPLY

Please enter your comment!
Please enter your name here