KNPP Hte Kayah Mungdaw Asuya Shata Shagu Hkrum Na Matu Daw Dan

0
61

2019 ning May shata 6 ya shani, Kayah Mungdaw Loi Kaw Muklum, Famous Hotel hta NRPC, Kayah Mungdaw Asuya hte ( KNPP ) Karenni Amyu sha rawt jat Party ni hku nna hkrum zup bawng ban hpawng galaw ai hpe chye lu ai.

Zuphpang hta, Kayah Mungdaw Asuya hte KNPP ni hku nna, shata shagu bawngban hpawng hpe du wa na June shata kawn bai hpang na matu daw dan wa sai.

Lai wa sai 2018 ning April shata, bawngban hpawng hta, Mungdaw Asuya hte KNPP ni shata shagu hkrumzp bawng ban hpawng galaw na hpe myit hkrum da tim, 6 lang sha galaw lu nna hkring mat wa sai.

Kayah Mungdaw Asuya hte KNPP hpung ni a shata shagu bawng ban hpawng galaw na hta, mare buga bawngring galu kaba lam, hkam kaja lam, hpaji lam ni hpe jahkrum nna galaw mat wa mai ai majaw, mai kaja ai lam re ai hpe lahkawng maga na dat kasa ni hku n’na tsun shaga wa sai.

KNPP ni hku nna, UNFC hta matut shang lawm nga nna, NCA hta, ta masat htu na matu hkyen lajang nga ai hta, shada kam ai lam grau ngang grin na matu ya na zawn shata shagu zuphpawng galaw ai re ai hpe KNPP a tsun shaga ahkang lu ai Nae Nae Plo kawn tsun shaga wa sai.

Dai sha n’na kade nna jang NRPC hte KNPP ni Yangon ( sh ) Naypyidaw hta bawng ban hpawng galaw mat wa na hpe chye lu ai.

REF: RFA, Shawng lam shi sawk
Ja Tawng Naw

LEAVE A REPLY

Please enter your comment!
Please enter your name here