KIO Ni NCA Ta Masat Grai Nhtu Shi Ai Lam Hpe KIC Ningbaw Malai (I) Du Kaba Sumlut Gum Maw Tsun Shaga

2019 Ning April shata 16 ya hta KIC Ningbaw malai (1) Du kaba Sumlut Gum Maw hpe Irrawaddy shiga dap ni dai ni na mung masa lam ni hte seng nna san wa ai shaloi, Du kaba Gum Maw hku nna bai htai da ai kaw nna tang madun dat ai.

KIO hku nna NCA hapng ai kawn 2015 ning du hkra shang lawm wa sai, NCA a 5 lang ngu na laika nhprang byin ai du hkra shang lawm sai, Dai 5 lang nhprang hpe shagrin sawa na NCA nhprang ngu masat wa sai, raitimung dai hta hpyen dap hte seng ai lam ni grai n lawm shi ai, matut nna bawng ban na matu lawnglam 35 naw ngam ai, dai 35 hpe laga wuhpung ni gaw bawngban jahkrum ai lam grai n galaw shi ai sha ta masat htu mat ai, anhte KIO hku nna gaw, NCA hpe ngut hkra bawngban ai n nga shi ai ngu masat da ai majaw ta masat grai nhtu shi ai.

Dai majaw anhte ni hku nna, NCA hpe grau kaja ai lam byin shangun mayu ai, NCA htu ngut ai ni gaw, hpang na lang na matu majan hkyen ai masa n byin shangun mayu ai, dai majaw grau kaja ai NCA rai sai nga jang gaw ta masat htu na, lahkawng maga hkap la ai madang n du shi jang gaw, ta masat htu na matu n daw dan shi na re, ndai gaw KIO a NCA hte seng ai masa lam rai sai.

REF: Irrawaddy
Ja Tawng Naw

Leave a Reply

Your email address will not be published. Required fields are marked *