KIO Hte Myen Asuya Dat Kasa Ni Miwa Mung Hta Hkrum Na

Myen Asuya a simasa lam komishin hte KIO ni 2019 ning January shata 21 ya shani hta, Miwa mungdan Kunming muklum hta hkrumzup bawng lam galaw na hpe chye lu ai. Dai hkrumzup bawngban hpawng hta, gaphkat jahkring ai lam hte mung masa lam ni hpe bawngban na lam hpe, zuphpawng byin na matu lapran kawn jahkrum ya nga ai (PCG ) malawm Slg. Nshang San Aung hku nna Media langai hpe tsun wa sai.

Myen maga de nna gaw, Simsa lam komishin a ningtau ningbaw U Thein Zaw, Amu madu U Khin Zaw Oo ni woi awn ai dat kasa hpung ni lawm na, KIO maga de nna gaw, Dukaba Sumlut Gum Maw woi awn ai dat kasa hpung ni du na lam hpe chye lu ai.

“ Hpang de tara shang bawngban wa ai shaloi na lam ni rai na ngu shadu ai, grau nna gaphkat jahkring ai lam, IDPs lam ni hpe madung tawn na ngu myit mada ai,” ngu Slg. Nshang San Aung kawn matut tsun ai.

Hkrumzup bawngban hpawng hpe PCG a dat kasa n’kau mi mung lawm na lam chye lu ai.

Myen hpye dap kawn lai wa sai 2019 ning December 21 ya shani hta, majan gasat ai hpe shata mali hkring na hpe ndau shana da ngut ai hpang, shawng na lang KIO hte hkurm wa sai.

Simsa ai lam hte seng nna KIO a hkrang tara gaw, Dingdung myit rum rawt malan hpung TNLA, MNDAA, AA ni hte rau bawngban na hpe masat da ai lam hpe tang madun dat ai.

REF: Shawng lam shi sawk
Ja Tawng Naw

Leave a Reply

Your email address will not be published. Required fields are marked *