Kim Hte Putin Tsun: Nuclear Dawm Na Hte Seng N’na USA Woi Awn Ai Lam Hta Yak Hkak Hkrum Nga

Dingdung Korea Ningbaw Kim Jong Un hte Russian Gumsan magam Vladimir Putin yan gaw 2019 ning April shata 25 ya shani kawn masum ya tup, Russia mungdan Vladivostok muklum hta Nuclear laknak dawm ai hte shada hku hkau ai lam hpe gaw gap sa wa na matu hkrumzup bawngban nga ai hpe chye lu ai.

Hkrumzup shaga ngut ai hpang shi laika shara ni hpe, Kim hku nna, “ Korean hte Russian mungdan lapran hta grai ngang kang ai hku nna ningnan gindun ai lam hpe galaw mat na matu, lahkawng maga grai ra sharawng ai lam nga ai,” ngu tsun shaga wa sai.

“ Bawng ban hkrum shaga ngut ai hpang, pru wa ai mahtai ni hpe yawng kabu ninglaw ai lam nga ai, dai sha n’ga Moscow hte Pyongyang lapran hta hku hkau ai lam hte, hpawng jawm galaw ai lam ni hpe n’gun shaja mat na re, “ ngu Vladimir Putin bai tsun wa sai.

Dai sha n’ga, “ Nuclear laknak dawm na hte seng nna, North Korea ra kadawn ai lam gaw, Mungkan madang shim lam jaw lu ai pahkam re, American ni a ga sadi nre,” ngu Putin hku nna Russian – North Korea chyawm tari zuphpawng ngut ai shaloi tsun shaga wa sai.

Matut nna Putin hku nna gaw, American hte Dingdung korea lapran hta shada kam hkat ai lam hpe, gau ngwi gaw gap ai lam ra ai ngu mung tsun wa sai.

Trump – Kim Lahkawng Lang Na Zuphpawng

American Gumsan magam Donald Trump gaw, Dingdung Korea ni a Nuclear laknak yawng hpe kalang ta jahkring kau nna, shada hku hkau kanawn mazum ai lam hpe ra sharawng ai masa hpe lang ai. Dingdung Korea ni hku nna gaw, American kawn pat shingdang da ai sut hpaga lam ni hpe bai hpaw ya ai hte, Nuclear laknak ni hpe gau ngwi dawm mat na hpe ra sharawng let tsun shaga ai majaw, lahkawng lang na Trump – Kim bawng ban hpawng hta mahtai n nlu ai sha jau hkring mat ra mat ai.

Ndai lang na, Kim hte Putin hkrumzup ai lam hta, Nuclear laknak dawm na hte seng ai lam, Russian ni gara hku shang lawm na daw hte seng ai, kata lam ni hpe, lahkawng yan sang lang ai hku n tsun dan shi ai hpe chye lu ai.

REF: Aljazeera, The Washington Post, VOA
Ja Tawng Naw

Leave a Reply

Your email address will not be published. Required fields are marked *