Kayin Mung Hta Myen Hpyen Dap NCA Myit Hkurm Ga Sadi N-hkan Ai Hpe KHRG Tsun

0
66

2019 ning February shata 19 ya shani hta, Karen shinggyim ahkaw ahkang hpung KHRG hku nna sumtang langai shapraw wa ai hpe chye lu ai. Dai sumtang hta, Myen hpyen ni hku nna, Pha-pun ninghtawn Shokyo Dawhko ginra de du nga ai hpyen la ni a matu malu masha ni wa sa ai shaloi, February shata praw 5 ya hta hpyen n’gun 216 bai du jat wa ai hte seng nna tsun shaga da ai.

Dai sha n’ga, January shata shaloi mung Pha-pun ginwang kaw sha, Myen hpyen dap kawn myawk kaba hte 60 lang daram gap bun ai majaw, wuloi 2 si nna, mare masha ni hprwng hkawm nga ai hpe KHRG a program director Naw Htoo Htoo kawn tsun wa sai.

“ Myen ni hpa majaw gap ai gaw nchye ai, majan gasat ai lam mung n nga ai, hpyen shaman shakyang ai kun gaw n chye ai, anhte hpe tau hkrau tsun shana ai lam n nga ai, myawk si ni gaw mare hte ni ai hta hkrat wa ai, yi sun galaw ai hkan hkrat ai, hpyen la ni grau jat wa ai majaw, mare masha ni gaw, hpyen majan bai byin wa na hpe tsang nga ai,” ngu Naw Htoo Htoo hku nna matut tsun ai.

Ndai zawn hpyen n’gun jat ai lam gaw, NCA hta lawm ai myit hkrum ga sadi ni hpe jahten nna galaw ai hpe KHRG hku n’na tsun shaga ai hpe chye lu ai.

REF: BBC, DVB
Ja Tawng Naw

LEAVE A REPLY

Please enter your comment!
Please enter your name here