June 24 Ya Shani Na Myen Mung Shiga Kadun

0
51
  1. Internet Line Pat kau ai lam hpe Rahkaing rapdaw hta ra  ahkyak  agenda tang madun

Rahkaing mungdaw a ninghtaw 8 hte Hkang mung daw na ninghtaw 1   hta internet line pat da ai hte seng n’na, bai hpaw ya na matu Rahkaing amat ni hku n’na ra  ahkyak gashawn hpe Rapdaw hta tang madun ai hpe chye lu ai.

Du wa na Juen shata 26 ya shani hta, matut n’na bawng ban mat na hpe chye lu ai,

  • H1N1 Ana hte Marai 7 Sai

Myen  mung hta marai 19 hpe H1N1 ana lu ai ngu masat da ai hta, marai 12 gaw mai tsai mat wa nna, tsi rung  na yu mat wa sai, marai 4 hpe gaw matut n’na tsi lajang ya nga ai, marai 7  gaw ana hte si mat sai hpe chye lu ai.

Si ai marai 7 hpe yu jang, marai 6 gaw Yangon ginwang kaba kaw n’na re n’na, marai 1 gaw Sagaing ginwang kaw na re ai hpe chye lu ai.

  • Jinghpaw Mung Hta Numripan Party Hpaw lajang Nga

Jinghpaw mung hta du nga ai,  Numri Pan party gaw, Myen kai chyan usa Hkin Nyut wa woi awn hpaw ai re lam hpe chye lu ai.  Ninghtawn salang tai ya ai wa hpe, sen 100 jaw ai,  ra lata poi shang na nga jang mung sen 100 bai jaw na nga mung tsun nga ai hpe chye lu ai.

Masa hpe maram yu jang, Wunpawng ginra hta  mae garan masing hte,  Wunpawng amyu sha ni a party ni hta mae yawm mat wa hkra galaw ai ladat rai ai hpe chye lu ai.

REF: Shawng lam shi sawk, RFA

Ja  Tawng Naw

LEAVE A REPLY

Please enter your comment!
Please enter your name here