Jinghpaw Mung Hkringmang Masum Hpe Amu Hkring Shangun Ai Lam

0
30

2019 ning January shata 2 ya shani hta, Jinghpaw mung hkringmang masum hpe amu hkring sa pru shangun ai lam gaw, Lahta na Uphkang dap a matsun hte maren galaw ai ngu, Jinghpaw mungdaw Hkringmang daju Dr. Hkyet Aung kawn tsun shaga ai hpe chye lu ai.

Lai wa sai n’htoi mali ya daram kaw nna, Jinnghpaw mung Hkringmang daju Dr. Hkyet Aung gaw, Myen mung a hpaji jaw salang Aung San Suu Kyi a matsun shana shangun ai hte maren, mungdaw a hkring mang masum hpe madu ra sharawng ai myit hte pru na matu , seng ang ai ni hpe matsun ai hpe chye lu ai.

Amu pru shangun hkrum ai Jinghpaw mungdaw hkringmang masum gaw, Hkai sun dap lithkam U Myu Thein, Shinggyim garum ningtum dap lithkam Dr. Thin Lwi hte gurp yin shingra hte Shingra n’hprang sut rai lakawn dap lithkam H La Aung ni rai ma ai.

U Mya Thein hku nna gaw, hkring sa na hte seng nna Jinghpaw mungdaw hkringmang daju hpang de January shata 18 ya sha ni hta tang shawn ngut sai lam hte, mungdaw hkringmang daju galaw ai lam hte seng nna NLD party ginjaw de jep joi na matu January shata 20 ya shani hta shana da ai sai chye lu ai.

Dai lam hte seng nna NLD party a tsun shaga ahkang lu ai Salang Dr Myo Nyunt hku nna gaw, “ Mungdan hpaji jaw Salang hku nna kaja wa pru shangun ai lam gaw n’mai byin na re, pru nga ai shiga hku nna sha naw chye lu ai, byin nga ai kata lam ni hpe hkrat grai nchye shi ai,” ngu tsun shaga da nga ai.

REF: VOA, RFA
Ja Tawng Naw

LEAVE A REPLY

Please enter your comment!
Please enter your name here