Japan Hta Ginsup Na Ken Hasegawa Hpe Dang Hkra Hkyen Lajang Da Ai Lam Aung La Nsang Tsun

0
57

2019 ning March shata 31 ya shani hta Japan mung dan hta Awng La Nsang hte Ken Hasegawa yen a MMA ningtawn ninghkrin padang masat kashun ai ginsup poi hte seng n’na Awng La Nsang gaw BBC media hte san htai lamang hta lawu na maren htai wa sai hpe chye lu ai.

Awng dang na re ngu kam ai. Ginsup ninghkrin hku tsun ga nga jang, tinang hkum hpe kam ai 100% nga ai. Ngai na matu grai kaja ai poi lamang langai tai wa na re ngu kam ai.

Ken Hasegawa hpe mu mada ai lam
Shi gaw Japanese ladat hta grau kying kyang na re ngu shadu ai, Japan Judo hta shingkyit a chyang lu da ai wa re ai majaw, Judo ladat grai kaja na re. Japan ginsup ai ni a myit masin gaw galoi mung a sum n hkam ai myit masin nga ai.

Hkyen lajang da ai lam
Minutes 25 tup atsawm lu ginsup hkra hkyen lajang da ai.
Middle weight ninggang hpe makawp maga na matu bat 9 tup ginsup nna, Lb 20 yawm hkra lajang da sai.

Ngai hku nna gaw, ndai middle weight hta ningtawn ninghkrin lu da ai majaw ndai hpan kaw sha madung ginsup mayu ai.

Shawng Lam Masing
Ya aten hta gaw, ngai na hkam kaja lam hte asak gaw awng dang na matu kaja dik rai nga ai, La ma nna, ginsup ai hta asak hte hkam kaja lam hta ningra wa ai aten du wa jang, ginsup ai hpe jahkring da nna, ginsup sharin sara hku nna tsap mat wa na re.

Ken Hasegawa Aung La hpe Sum Ai Shaloi Na Sumla

One champion hte ndai Japan poi ngut jang, matut na mali naw nga ai.

Awng La Nsang a MMA Ginsup poi matsing
24-10-0
Dang ai poi 24, Sum ai poi – 10, maren dang ai poi – 0

Hasegawa a MMA ginsup poi matsing
16-3-1
Dang ai poi 16, Sum ai poi – 3, Maren dang ai poi – 1

March shata 29 ya shani hta kalang bai ginsup na Aung La Nsang a poi awng dang na matu amyu sha ni kyu hpyi ai hte, Japan du amyu sha ni hku nna mung masha hkum nan n gun jaw ai hku nna galaw sa wa ga ngu tang madun dat ai.

REF: BBC
Ja Tawng Naw

LEAVE A REPLY

Please enter your comment!
Please enter your name here