Israel Hyen N’bung Li hte Gasat Ai Hpe Mungkan Wunpang Hpung Shim Lam Kongsi De Syria Ni Shana

0
50

Israel n’bungli dap hku nna, Syria mungdaw Damascus muk lum a dingda daw maga de na hpyen dap ni hpe yaw shada let, n’bungli hte gap ai lam ni hpe, December 27 ya shani hta Syria Asuya hku nna Mungkan Wunpang Hpung Shim lam kongsi de shawk shawn ai lam galaw ai hpe chye lu ai.

Ndai hku galaw ai gaw, Syria mungdan a mayak hpe matut nna shana shangun mayu ai yaw shada lam hte galaw ai ngu Syria Asuya hku nna tsun ai.

Israel ni gaw Hkristmas shani hta nan, Damascus muk lum hte ni nawn ai shara ni hkan na, Asuya a magam dap nkau mi hte, hyen hte seng ai shara law law hpe gap ai ngu, Syria sumtsang salang rung kaw nna Dec 27 ya shani hta tsun wa sai.

Israel hpye dap kaw nna lit nga ai salang langai mi tsun ai gaw, “ n’bungli dap hku nna, Iran mungdan kaw nna ginleng let matut mahkai nga ai shara masum hpe madung yaw shada nna wa gap ai ngu tsun ai, dai shara ni gaw, Iran mungdan kaw nna madi shadaw da ai, Lebanon dawsa hpung Hezbollah ni de laknak shalai ai shara re ai majaw, gap jahten ra ai ngu,” matut tsun san lang da nga ai hpe chye lu ai.

REF: BBC News
Ja Tawng Naw

LEAVE A REPLY

Please enter your comment!
Please enter your name here