Iran Hpe Gasat Na Nbung Li Hpyen Lung Ngut Ai Hpang, Gasat Na Matun Bai Dawm

0
48

Iran mungdan a gap masat shara nkau hpe gasat na matu 2019 ning June shata 20 ya shani hta USA gumsan magam matsun ngut ai hpang, gasat na matu shawng daw shajin nga ai ten hta, bai dawm kau ai hpe chye lu ai.

USA a manu laja ai kinyu drone nbung li hpe Iran ni gap jahten kau ngut ai hpang, Iran hpe majan gasat na matu Donald Trump kawn ahkang jaw wa sai.

Gap jakrat hkrum ai Drone nbungli

Iran Asuya hku n’na, shanhte a mungdan jarit kata de bat hpang mali ya shani hta shang wa ai majaw, gap jahkrat ai ngu tsun wa sai.

Kinyu drone nbungli hpe, mungdan ga daga hte seng ai lamu ganghkau hta gap hkrum ai majaw, Iran hku n’na ” Grai shut hkra galaw ai lam rai sai,” ngu American gumsan magam Trump tsun wa sai.

Hten mat ai drone hpe Iran hta madun ga ai

Dai hte maren, June shata 20 ya shani Iran ntsa hta gasat na lam hpe Oman mungdan kawn chye lu ai hpe Iran Asuya hku n’na Tehran kaw nga ai, Reuters shiga dap hpe tsun wa sai.

REF: BBC, VOA Ja Tawng Naw

LEAVE A REPLY

Please enter your comment!
Please enter your name here