Indonesia Tsunami A Majaw Masha 43 Si Hkala Hkrum

2018 ning December shata 22 ya shana ten hta, Indonesia mungdan Java hte Sumatra zunlawng hta nga ai panglai hka gyip lam hta Tsunami hka leng kaba du wa ai majaw, panglai hkinggau hta nga ai mare masha marai 43 si hkala hkrum nna, marai 584 gaw hkala n’ba hkrum ai hte masha n’kau mi mat nga ai hpe Indonesia Ausya kawn tsun shaga ai hpe chye lu ai.

Tsunami gaw, panglai hka gyip lam hta nga ai zunlawng kaw nna Krakatoa wanbum kapaw ai majaw mai byin ai hpe, sawk sagawn hpung ni sawk sagawn nga ma ai.

Hkaleng kaba ni a majaw, dum n’ta shi jan hten run mat nna, si hkala ai masha grau law wa mai ai hpe seng ang ai ni tusn shadum da nga ai.

Indonesia mungdan a lamu marang dap kaw nna tsun ai lam gaw, shagawng shana hte wa ang taw ai majaw, pang lai hka grau tsaw wa mai nna, hkaleng ni grau hpunglar ja mai ai masa nga ai hpe, tsun shana da ai.

Lai wa sai 2004 ning December shata 26 ya shani, Indian nammukdara hta grai laja ai nnang nawn byin ai majaw tsunami hka leng kaba byin wa nna, mungdan 13 kawn, marai 226,000 si hkala hkrum mat ai, dai hta Indonesia mungdan masha 120,000 jan daram lawm ai mabyin nga ai hpe chye lu ai.

REF: BBC News, Aljazeera News
Ja Tawng Naw

Leave a Reply

Your email address will not be published. Required fields are marked *