Indonesia Gumsan Magam Ralata Poi A Mahtai Hpe Ninghkap Ai Hta Marai 6 Si Hkala Hkrum

0
53

Indonesia Gumsan magam ra lata poi mahtai hpe 2019 ning May shata 21 ya shani hta gumsan magam tai nga ai Joko Widodo kawn mae mahtai 55.5 % hte dang ai hpe ra lata poi komishin hku nna n’dau shana ai hpe ninghkap hpung ni hku n’na, shawa n’gun madun ai hta, dawsa ai lam ni byin wa n’na marai 6 si, marai 200 jan hkala hkrum ai hpe chye lu ai.

Mae dang ai Joko Widodo

Si mat ai lam ni hpe matut n’na sagawn nga ai hte, ndai zawn si hkala hkrum ai gaw balik ni hta lit nga ai lam hpe n hkam la shangun mayu ai lam hpe balik du kaba langai tsun wa sai.

Asuya hku n’na, nkau shara hta, param padam ga ni hpe jahkring na matu ganghkau pinra ( social media ) hpe pat da sai.

Ning hkap ai mung shawa nkau hpe rim

Ra lata poi komishin mahtai hpe Hpyen du daju usa Prabowo hku n’na, masu magaw galaw dai ai mahtai ngu shawa hpe n dau n’na, ning hkap na matu tsun lajang wa sai.

Prabowo hku n’na 2014 ning ra lata poi shaloi hta mung, ya na gumsan magam Joko Widodo hpe sum ai shaloi, npawt nhpang upadi hte seng tara rung daju hta tara jun ai lam galaw tim, sum mat wa ga sai.

Mung dan a ra lata poi hpe 2019 ning April shata 17 ya shani hta mung shawa wan 192 mae sa bang ai hpang mahtai hpe masat da ai n’htoi hta lani mi jau n’na shana ai hpe chye lu ai.

REF: BBC, VOA
Ja Tawng Naw

LEAVE A REPLY

Please enter your comment!
Please enter your name here