India Hpyen Nbung Li Ni Pakistan Uphkang Ginra Kashmir De Gasat

0
76

2019 ning February shata 26 ya jahpawt ten hta, India hpyen N’bungli 12 daram gaw, Pakistan mungdan na dawsa hpung re ai, Jaish-e-Mohammed ni a dap ginra hpe bawm kilo 1000 daram jahkrat bun ai hta, Jaish dawsa hpung ni tsawmra si rum mat nna, Ningbaw mung si lawm mat ai hpe India Asuya kawn aja awa tsun shaga ai hpe chye lu ai.

India Asuya hku nna, Mungdan kata hta bawm kapaw sat si ai lam ni matut byin wa na hpe tsang ai majaw Pakistan ni uphkang ai Kashmir Alkut ginra na, dawsa hpung ni a shara de gasat ai ngu India Maigan mung hkringmang Vijay Gokhale hku nna shiga sanglang hpawng hta tsun wa sai.

February shata 14 ya shani hta India ni uphkang ai Kashmir shara hta, bawm kapaw sat si ai majaw India balik 40 jan si hkala hkrum ai hta, Jaish dawsa hpung ni galaw ngu India ni maja tsun da nga ai.

Pakistan Du Daju Jum Asif Ghafoor hku nna tsun ai gaw, Kashmir masat shara hta jan nna shang wa ai India hpyen n’bungli ni bawm sa jahkrat ai hta, si hkala hkrum ai masha n’nga ai, masha n’nga ai shara ni hta sha, bawm ka paw gasat ai lam ni galaw mat wa ai, ngu tsun shaga wa sai.

Ndai zawn India mungdan kawn n’bungli hte kalang bai gasast wa ai gaw, lai wa sai 1972 ning hpang hta kalang bai byin wa ai majan rai nga ai hpe chye lu ai.

REF: Aljazeera, BBC
Ja Tawng Naw

LEAVE A REPLY

Please enter your comment!
Please enter your name here