IDPS Ni Hpe Mahtai Lu Ai Hku Wa Na Matu Rev. Dr. Hkalam Samson N’gun Jaw Ga Tsun

0
25

2019 ning June shata praw 8 ya shani hta, Hpyen yen tsinyam hkrum ai ( 8 ) ning hpring masat n’gun la akyu hpyi hpawng lamang hpe Myitkyina muklum kaba, Shatapru manau wang hta galaw wa ai shaloi, KBC ningbaw Rev. Dr. Hkalam Samson hku n’na Hpyen yen ni a mabyin hpe sang lang dan ai kaw n’na, nkau mi hpe lawu hte maren bai tang madun dat ai.

KHCC Byin wa ai lam
Myen mung Ausya ni IDPS dabang hpe pat na hku galaw wa ai shaloi, anhte ni hku n’na camp hpe pat ai hta, “ bai wa na matu” ngu ai masing hte shachyen shaja wa sai.

Hpyen yen ni bai wa ai hta, mungkan a shadawn jit na hte maren sa wa ra ai ngu ai lam hte, bai wa na matu masing jahkrat ai shaloi KHCC hpe hpaw ninghtan wa sai. KHCC hta nawku hpung shagu kaw n’na ningbaw ningla ni lawm ai, amyu bawsang hku n’na shang lawm ai.

KHCC gaw shang lawt Asuya hte 2 lang bawngban ai lam galaw ngut sai. Myen Asuya a NRPC hte mung tara shang lahkawng lang hkrum sai, ya gaw bai wa na masing hte seng n’na hkrang shapraw komiti hte CSOs, NGOs ni hte masing galaw nga sai.

Madung gaw, mung kang madang hta, jam jau ai ni yen mat ai kawn, bai wa ai shaloi lang ai, shadawn jitna hte maren hkrang shapraw galaw nga ai. Dai hta
1) Mare buga wa ai ni shimlam nga ra ai
2) Wa ai ni gaw, tinang myit hte tinang wa ai hpan rai ra ai
3) Mungkan a garum ningtum ni, matut manoi lawm ra ai.

Hpyen yen hkrum ai Mare buga ?

Jinghpaw mung hte Sam mung hta hpyen yen ni bai wa na mare kahtawng ni 271 nga ai, dai hta na majan nga tim mai wa ai buga ni hpe jahkrum nga ai. Tinang myit hte tinang chye ai hku wa ai hpe shing dang ai lam n nga ai, KHCC ni hku n’na gaw sari sadang hte wa ai hkrum lam hku byin shangun mayu ai, mungkan a shadawn jit na hte wa lu na matu awng dang hkra lajang nga ai, mahtai lu ai hku wa na matu tsun n’gun jaw wa sai.

REF: Shawng lam shiga, Hkalam Samson
Ja Tawng Naw

LEAVE A REPLY

Please enter your comment!
Please enter your name here