Huawei Sut Masa Dap Lit Hkam Meng Hpe Tara Shang Ap Ya Na USA Matut Lajang

0
94

Canada mungdan hta lai wa sai shata kaw nna rim hkrum ai Huawei Company Sut masa dap lit hkam Meng Wanzhou hpe   tara shang ap ya na matu American Seng ang ai ni hku nna tsun shaga ai hpe chye lu ai.

American hku nna, Iran mungdan hpe Sut hpaga lam hte seng nna pat shingdang ahkyak la da ai hpe Meng hku nna laga ladat hte garum ya ai ngu American ni mara shagun da ai.

American ginjaw Tara  gaw,   Meng hpe n’htoi (60) ya laman ap ya lu na matu, masat da ai lam ni hte maren galaw sa mat na hpe tsun shaga da ai. Dai n’htoi ( 60) ya gaw du wa na bat hta hpring wa sa na. Ya aten hta, Meng gaw Canada mungdan Vancouver muklum hta  pahkam ga sadi la da nna nga taw ai.

Meng rim hkrum ai hte seng nna, USA hte Canada sumtsan salang shada da, mara shagun hkat, htai lai tsun shaga hkat ai lam ni byin ma ai, dai sha n’ga Meng hpe rim ngut ai hpang Miwa Asuya hku nna Miwa mung kata hta nga ai, ahkyak ai Canada Salang kaba 2 hpe rim da ai lam ni byin ai hpe chye lu ai.

REF: BBC

Ja Tawng Naw

LEAVE A REPLY

Please enter your comment!
Please enter your name here