Hpyen Yen Ni Hpe Garum Ai Lam Lu Shangun Mayu Jang, KIA Ni NCA Hta Ta Masat Htu Ra

Jinghpaw mungdaw hta nga ai, hpyen yen IDPs ni a matu garum ningtum ai lam lu la shangun mayu jang KIA rawt malan hpung hku nna NCA hta ta masat htu wa na matu, shadut tsun shangun ai hpe, KBC ningbaw Rev. Dr. Hkalam Samson hku nna media hpe tsun ai lam chye lu ai.

Japan Nippon Foundation a ningbaw Yohei Sasakawa gaw 2018 ning December shata praw 10 ya shani hta Myikyina Muk lum hta nga ai nawku hpung na ningbaw ningla ni, Kachin mung masa hpaji jaw hpung, CSO ni, Myitkyina Dakkasu  liali laika hte htunghking hpung na ningbaw ninglaw ni hpe hkrum zip let lahta na lam hpe tsun shaga ai lam chye lu ai.

Jinghpaw Mung hta IDPs 80,000 jan gaw, Myen mung Asuya uphkang ai ginra npu hta n’nga ai hte, marai 40,000 jan gaw Myen Asuya a uphakng ginra n’pu hta nga ai, dai hta Asuya uphkang ginra kaw nga ai IDPs ni hpe sha garum na ngu ai policy hpe lang da ai, Nippon Foundation a garum ningtum ai lam hpe n’myit mada ai ngu nna Rev. Dr. Hkalam Sumson hku nna tsun san lang dan ai.

Japan Asuya hku nna Myen mung Simsa lam hte seng nna, 2017 hta, US$ 4.2 millions garum sai. 2018 ning October shata hta mung, Rohingya tsinyam ni bai wa na lam hte seng nna, US$ 2.9 Millions hpe garum sai lam hpe chye lu ai.
Dai hte maren Japan Nippon Foundation hku nna,  lai wa sai aten hta, UNFC amyu baw sang rawt malan hpung ni hpe simsa lam hte seng na, hpyen yen ni hte seng nna, US$3 millions garum sai hpe mung chye lu ai.

REF:  RFA

Ja Tawng Naw

Leave a Reply

Your email address will not be published. Required fields are marked *