Hpyen Dap Hte USDP Party Ni Ninghkap Ai Majaw Gawda Ai Tara Gram Komiti Grai N’mai Hpang

2008 ning gawda ai tara gram lajang ai pawng hpawm komiti a shawng na lang bawngban hpawng hpe 2019 ning February shata 8 ya shani hta hpawng wa ai shaloi, yaw shada da ai hte maren htuk manu ai lam nbyin ai hpe chye lu ai.


Munghpawm rapdaw ningtau ningbaw U Tun Tun Hein hku nna gram lajang komiti a ningbaw hku woi awn sa wa ai hta, dat kasa ni hpe masat wa ai shaloi, NLD amat 385 kawn nna kasa 19, Hpyen dap 166 nga ai hta na kasa 8, 41 nga ai USDP party kaw nna kasa 2, marai 20 jan nga ai Rahkaing party kaw nna kasa 1, marai 17 nga ai Sharaw baw party kaw nna marai 1, lak san party ni a gawng malai 1 shang lawm na matu Munghpawm rapdaw ningbaw Duwa T Hkun Myat lajang tang madun da ai lam hte maren galaw sa wa ai.

Raitimung, Myen hpyen dap hte USDP hpung ni hku nna gaw, shanhte hpe masat ya ai kasa n law ai ngu ninghkap wa ai majaw, bawngban jahkrum ai lam hta mahtai n mai pru nna, du wa na bat hta matut nna bawngban na matu dawdan sai.


2013 ning shaloi, USDP party ni malawng maga shanglawm ai rapdaw aten shaloi hta mung, gawda ai tara sawk sagawn komiti hpe marai 109 hte lajang wa ai shaloi, ya na zawn sha lajang ai lam nga ai hpe chye lu ai.


REF: RFA
Ja Tawng Naw

Leave a Reply

Your email address will not be published. Required fields are marked *