Hpawt Ni Mahtai Chye Sana, Myen Hpyen Dap Hpe Ahkyak La Lu Na Lam ?

Myen hpyen dap hku nna, Rohingya hte Myen mung amyu bawsang myu kaji ni hpe shinggyim ahkaw ahkang tawt lai nna zingri zingrat galaw ai lam ni hte, majan gasat ai hta majan ruhka hte seng nna tawt lai ai lam ni hpe, UN FFM ( Facts Finding Mission ) a sumtang hte maren Myen hpyen dap hpe ahkyak la na lam hte seng nna, UN ninggawn rapdaw zuphpawng  a No (3) Komiti bawngban hpawng hta mae la let, FFM a tang madun ai  mahkyen sumtang  hpe 2018 ning November shata 15 ya shani hta hkap la sai lam chye lu ai.

Bat hpang lahkawng ya shani galaw ai, UN  a No (3) Komiti zuphpawng hta, tang madun ai mahkyen sumtang ni hta na, 11 hpe lu shagrin da sai, dai hta si dam hpe shaprai na  mahkyen sumtang, ja gumhpraw la nna hpyen gasat ai  mahkyen sumtang ni hte, UN shinggyim ahkaw ahkang kongsi kawn tang madun ai mahkyen sumtang laika  ni lawm ai.

Shagrin da ai 11 kaw nna, Myen mung hte seng ai mahkyen sumtang No 56 hpe, bawng ban lu na dawdan sa wa ai hta,  myit hkurm ai mungdan 111, lapran  hta tsap ai mungdan 65 mae hte ninghkap ai mungdan  mae 3 3 jaw ai hta,  myit hkrum ai grau law ai majaw   tang madun ai mahkyen sumtang 56 hpe hkap shagrin let bawngban daw dan sa wa na matu rai mat sai.

Mae jaw ai shaloi Myen mung maga de lapran tsap ya ai mungdan  ni gaw: USA, Britain, France,  Canada, Russia, Japan, Miwa mungdan kaba ni hte laga mungdan ni mung lawm ai. Ninghkap ai mung dan masum gaw, Israel, Belarus hte Myanmar Mungdan ni re.  Myen mung hte seng ai mahkyen sumtang 56 hpe hpawt ni na aten hta dawdan sa wa na lam hpe mung chye lu ai.

Myen mung a UN sumtsan Salang Kyaw Moe Tun gaw, Ndai hku galaw sa wa ai lam gaw, Myen mung a awmdawm daru magam hpe hkra ai lam re hpe tsun shapraw wa ai.

Myen hpyen dap hpe  ahkyak la lu na lam hte seng nna, kade nna jang gaw chye wa sa na hku re ngu, tang madun dat ai.

REF: VOA News, BBC

Ja Tawng Naw