Hpa Rai Nna Kachin Democratic Party (KDP) Ra Lata Poi Hta Sum Mat Ai?

0
74

2018 ning Nov 3 ya shani hta galaw ai ra lata poi hte seng nna KDP party ni sum ai lam hte seng nna maram yu lu ai lam ni hpe tang matun dat ai.

Tau hkrau Me Hte Masu Ai  Majaw

Myen hpyen dap hku nna dai shani 4:00 daram ten hta hpyen dap a tau hkrau me marai 3000 hpe wa jaw ai majaw KDP ni sum mat ai hpe chye lu ai.  Dai majaw Wunpawng myu sha ni hku nna, jinghpaw mung hta mung masa hpe 2008 gaw da ai tara hte galaw sa na nga jang, ndai mabyin lam ni hpe grai myit ra na sai. Myen ni shalau mai hkra galaw da ai masa hpe, kam nna sa shang jang gaw shut na masa hpe adan aleng mu lu nga ai.

Wunpawng Ni Yawng Me N’jaw ai Majaw

Me dang ai jahpan hpe yu jang,

USDP – U Si Hu Dwe                              – 23,186

KDP –  Slg Gumhkrawng Awng Hkam    – 19,112

NLD –   Jan Yam Hkawn                          –  18,999

Ndai USDP  hpe  tau hkrau jaw ai mae 3000 hpe shaw kau tim, KDP ni me dang na masa nsa ai, dai majaw ndai lang na ra lata poi hta, Wunpawng myu sha ni yawng wa me n’sa jaw ai  majaw mung, sum ai lam langai ngu sharin la ra na sai.

Bai UDSP me dai daram law ai hpe yu jang, Jinghpaw mung hta Myen myu sha ni grai shara la mat sai hpe mu chye lu nga ai. Myen asuya hku nna, Jinghpaw mung hta du nga ai, Myen ni yawng hpe Eing-htawng-su hpe shaw dat ya ai mung, Kachin party ni ahkyak ai shara, aten ni hta mung masa hpe tinang ra ai madang de  nmai galaw na hku lajang da ai hpe dan dan leng leng mu lu nga sai.

Dai majaw, ndai lang gaw anhte yawng me n’jaw ai majaw sum ai ngu mai tsun tim, htawm hpang de gaw Me yawng jaw tim, n’mai dang ai masa de galai wa nga ai hpe yawng ni mu chye ra nga sai.

Gara Hku Bai Hkyen Na..?

– Jinghpaw mung hta Myen ni n’mai nga hkra (sh) n’kam nga hkra di ra na. ( ladat tam ra sai )

– Wunpawng ni yawng myithkrum ai Party langai hpe atsawm bai lajang nna, mung shawa yawng dai ni hpe sha me jawm jaw na, mung shawa ni myit hkawn nna yawng me sa bang chye hkra wunkat sharin hpawng ni law law galaw na.

– hpang na lang hta, tau hkrau me hte seng nna, ra lata poi a tara ni hpe Myen mung rapdaw hta ndai zawn n’mai galaw ai ladat hpe tang madun shagrin mat na.

Ndai hku lu lajang jang gaw Anhte ni party mung masa lam hta awng dang wa na sai ngu kam let tang madun dat ai.

M Brang Aung

HOWN News

LEAVE A REPLY

Please enter your comment!
Please enter your name here