Hormuz Panglai Hpunggaw Hta Man Hkrum Gasat Hkat ai Lam N Galaw Na UN Shadum

0
66

UN, mungkan wunpawng hpung kawn 2019 ning June shata 13 ya shani hta, Hormuz panglai hka gyip lam hta hpaga yamga sanghpaw langai gasat hkrum ai hte seng n’na, “ Hormuz panglai hpung gaw hta man hkrum gasat hkat ai lam n galaw na matu sadi jaw ai lam hpe chye lu ai.

Sumtang langai hta tsun da ai hta, Oman hpuggaw mayan kaw sau htaw ai sanghpaw gasat hkrum ai gaw sumshi ya laman hta lahkawng lang rai sai hpe tang madun wa sai.

American maigan mung hkring mang Mike Pompey gaw, ndai gasat ai mabyin a shingdu hta, Iran mungdan lajang nga ai hpe mara shangun da nga ai.

Ndai mabyin a majaw mung kan sau manu gaw lani mi laman hta 4% tsaw mat wa sai.


American hte Iran mungdan lapran hta Nuclear laknak hte seng n’na myit hkrum ai lam ni nnga ai majaw, American ni hku nna, Iran mungdan hpe sut hpaga yamga pat ai lam ni galaw hpang ai kaw n’na, ya na zawn Iran ni panglai hpunggaw hta gasat ai lam hpe galaw hpang wa sai.

American mungdan kawn Iran hpe Sau nlu dut hkra galaw jang, ndai panglai Hpunggaw mungdan ni kaw n’na sau hpe mungkan hta n’lu dut hkra galaw na re ngu, Iran gumsan magam tsun chyahkrit wa sai.

Hormuz panglai hpunggaw a ahkayk ai lam langai gaw, Hormuz panglai hpunggaw lam hku n’na, Asia, Europa, Dingdung America hta laga mungkan mungdan ni hpe sau htaw shalai ai lam re ai majaw, Iran gaw ahkyak ai shara kaw nga n’na jahkrit shama ai lam galaw nga ai.

Iran ni ndai hku matut na sau htaw sanghpaw ni hpe gasat ai lam galaw nga jang, American hte jinghku mungdan hpung ni hku n’na majan gasat ai lam mai byin wa ai hpe chye lu ai.

American hte Iran mungdan ni hku n’na, majan gasat hkat ai lam n galaw na hpe tsun nga ti mung, majan hte seng n’na hkyen lajang nga ai hpe mu mada lu nga ai.

REF: Aljazeera
Ja Tawng Naw

LEAVE A REPLY

Please enter your comment!
Please enter your name here