Hkrit Tsang Hpa Madang Masat Let Laknak Lang Wuhpung Mali hpe Facebook Pat Kau

0
34

KIA, AA, TNLA hte MNDAA wuhpung mali hpe 2019 ning February shata praw 5 ya shani hta, Facebook kawn pat kau ai hpe Facebook company hku nna tsun ndau ai hpe chye lu ai.

Dai wuhpung ni a gawng malai tai ai ni, madi shadaw ai ni a account ni hpe mung Facebook kaw nna maram chye wa ai hte, dawm kau na hpe mung matut tsun da nga ai.

Dai hku nna galaw ra ai lam gaw, wuhpung mali hku nna hkrit tsang hpa, jamjau shabyin mai ai hpung ni rai nga ai majaw ngu nna Facebook company kaw nna tsun ai.

Myen mungdan kata hta, Facebook lang ai ni a lapran hta, mazup roi rip ai lam, nju ndawng sat nat ai lam ni hpe Facebook kata hku shabyin ai lam ni hpe hkang lu na matu, lai wa sai shaning hta Facebook company kaw nna galaw hpang wa sai.

Facebook lang nna, dawsa ai lam ni hpe jasu ai, sat hkat ai lam ni shabyin ai hpe madi shadaw ai gara wuhpung mi rai tim, n’hkap la ai ngu Facebook company hku nna tsun wa sai.

Ndai lang, Facebook kaw nna madung tawn ai gaw bawsang rawt malan hpung ni rai nna, Asuya dap ni hte laja lana majan byin nga ai wuhpung ni re ai hpe chye lu ai.

REF: BBC
Ja Tawng Naw

LEAVE A REPLY

Please enter your comment!
Please enter your name here