Hkrit Nga Na Aten Nre Sai Lam, Rev. Dr. Samson Tsun

0
271

KBC Ningbaw Rev. Dr. Hkalam Samson hte Sara Langjaw Gam Seng ni hku nna, August shata laman hta, American Mungdan hta, wunpawng amyu shani hta byin hkrum hkra nga ai lamni hte seng n’na shinggyim ahkaw ahkang tawt lai hkruma i lam ni, makam masham dip gamyet hkrum ai lam ni hte simsa lam hte seng nna Myen mung bawsang ni a lam ni hte seng nna, American Gumsan Trump hte sha n’ga, President hte vice president rung na lahta tsang hpaji jaw ni, state department na shimlam lit hkam ni hte hkrum shaga da lu sai lam hpe chye lu ai.

Dai sha n’ga Sara kaba lahkawng hpe American Hkalup hpung ginjaw ( ABC, USA ) hte mungkan hkalup hpung Ginjaw ( BWA ) ni kaw n’na mung akyu hpyi shatsam dat ya lam ni hpe galaw ya ai hpe mung chye lu ai.

Sara ni hku nna, Myen mung de August shata praw 13 ya shani bai du shang wa na hte seng n’na Rev. Dr. Hkalam Samson a ningmu hpe lawu na hte maren mu lu nga ai.

“……. Wunpawng sha ni hpe Karai Kasang shalawt na ten du sai hpe kam ai, Jahkrit shagu hprawng yen yang, grai jahkrit shama ai hkrum na re. Tinang tsun ai lam jaw ai, teng ai re majaw, hkrit tsang ai myit nrawng ai. Shaning 60 ning ( jahkrit, roirip ai ram na sai. Matut jahkrit ai lam roi rip zingri ai lam n-galaw sanu ga. N sen langai, bandung langai hte shawng de sit sa wa saga)

America kaw nga mat mai tim, tengman ai lam sakse madun ra ai majaw, buga de bai wa sai, yawng hte bai hkrum zup lu na myit mada n’ngai. ( Hkalam Samson )…….” ngu asan sha n’hkrit na matu tsun n’gun jaw da nga ai hpe mu lu ai.

Amyu sha yawng mung sara kaba ni bai wa ai hkrum lam hta angwi apyaw hte bai du wa lu na matu myit dum kyu hpyi ya nga ga law.

REF: Hkalam Samson fb

JTN

LEAVE A REPLY

Please enter your comment!
Please enter your name here