Hanoi Zuphpawng N Awng Dang Ai Majaw Dingdung Korea Lahta Tsang Ningbaw 5 Sat Hkrum

0
41

American mungdan a Dingdung Korea sumtsan salang kaba Kim Hyok Chol hte maigang mung hkringmang dap kawn lahta tsang Salang kaba marai 4, yawng marai ( 5 ) hpe Dingdung Korea Asuya ni sat kau ai lam hpe 2019 ning May shata 31 ya shani na, Dingda Korea a shi laika langai hta ka da ai hpe chye lu ai.

Sau kau hkrum ai Kim Hyok Chol

Lai wa sai 2019 ning February shata hta Vietnam Hanoi Mare hta galaw ai lahkawng lang ngu na Trump – Kim chyawm tari zuphpawng hta awng dang ai lam n lu la ai majaw, lit nga ai ningbaw 5 hpe lit la shangun ai hku n’na sat kau ai masa hku chye na lu ai.

Sat kau hkrum ai Kim Hyok Chol hte laga ningbaw mali hpe mung, nuclear hte seng n’na American mung dan a matu kin-yu galaw ya ai ngu mara shagun da n’na March shata hta san jep ai lam ni galaw n’na Mirim n’bung li pa hta sat kau sai.

Masha hpawng hta n mu lu sai Kim Yo Jong

Dai sha n’ga Hanoi zuphpawng hta, Kim hpe grai ni htep ai hku garum ya ai, shi a kanau Kim Yo Jong hpe mung, masha hpawng hta n mu lu ai hpe mung chye lu ai.

REF: Reuters

Ja Tawng Naw

LEAVE A REPLY

Please enter your comment!
Please enter your name here