Ginwang Kaba Asuya Hpe Sharin Shaga Na Lam Awng San Suu Kyi Tsun

0
23

2019 ning February shata praw 13 ya Thanintharyi Ginwang kaba Myeik muklum hta, Myen mung a hpaji jaw Salang Awng San Suu Kyi hku nna, Thanintharyi Ginwang Kaba de du gawan ai lam langai mi gaw, Ginwang kaba Asuya hpe loi mi sharin shaga na matu re ai hpe, mung shawa hte hkrum zup bawng ban hpawng hta tsun shaga ai hpe chye lu ai.

Mung shawa hte hkrumzup bawngban hpawng hta, nkau mi Ginwang kaba Asuya a magam bungli a galaw ai lam hte seng nna mara shagun ai lam ni nga ai. Dai sha n’ga, panglai hka hpungrawt maling kran ai lam, Salung amyu bawsang ni a shara hta sut hpaga la ni renghkang galaw wa ai lam, hpaji lam hte, hkam kaja lam ni hpe tang madun wa sai.

Mung shawa langai mi gaw, 2020 hta NLD ni mae dang na matu rai jang, ya woi awn nga ai, Thanitharyi hkringmang daju hte, sut masa dap hkringmang yan hpe lawan dik ai hku amu jahkring kau ra ai hpe tang madun wa ai shaloi, Awng San Suu Kyi hku nna, “ Anhte galaw ai lam ni gaw Mungdan kaja na matu sha re, mae dang na matu nre,” ngu bai tsun jahpra wa sai.

Matut nna mungdan a hpaji jaw salang hku nna, tang madun wa ai lam ni hpe, atsawm sha matsing da nna, lu galaw ai lam ni hpe lawan galaw ya nna, grai n lu galaw ai lam ni hpe gaw, sanlang dan mat na re ngu nna tsun wa ai hpe chye lu ai.

REF: DVB, Irrawaddy
Ja Tawng Naw

LEAVE A REPLY

Please enter your comment!
Please enter your name here