Gaza – Israel Gaphkat Jahkring Ai Lam Lu La Sai

0
71

2018 ning hpang daw hta, Gaza – hte Israel mali lang ngu na majan kaba byin wa mai ai, lahkawng ya gasat gala ai lam hpe jahkring lu na matu hkrumzup bawngban hpawng galaw ai shaloi, 2019 ning May shata 6 ya shani hta gaphkat jahkring ai lam lu la sai hpe chye lu ai.

htnerun nga ai dum n’ta kawn arai tam nga ai Gaza na Palestine ramma

Buga ginra a aten ladaw jahpawt 4:30 AM kawn gap hkat ai jahkring na matu Egypt hku nna lapran shang htinglu htinglai ya ai majaw, gap hkat ai lam zim mat sai hpe Gaza hta du nga shiga sara nkau tsun wa sai.

May shata 4 ya shani hta, Gaza maga kaw nna, Hamas hte Islamic Jihad hpung ni hku nna Israel maga de dawsa laknak 690 jan gap bun ai hta Israel ni hku nna Iron Dome hte 240 hpe gap jahten kau lu sai, May 5 ya shani hta Israel hku nna n bungli hte aja awa shani tup bai gap wa sai.

Lahkawng ya majan gasat gala byin ai hta, Islamic dawsa ai masha marai 9 hte Palestine mare masha 25, Israel mare masha marai 4 si hkala hkrum mat ai hpe chye lu ai.

Israel Masha ni dawsa laknak hpe yen nga ai lam

REF: AFP, Aljazeera
Ja Tawng Naw

LEAVE A REPLY

Please enter your comment!
Please enter your name here