Gawda Ai Tara Gram Na N Hkam Ai Majaw Federal Munghpawm Naw Tsan Gang Nga

0
26

2019 ning May shata 14 ya shani hta, Thai mungdan Chiang Mai mare hta, gap hkat jahkring da sai wuhpung 10 a ningbaw ni a zuphpawng hta, Myen hpyen dap ni hku nna 2008 ning gawda ai tara gram na n’hkam ai majaw, Federal munghpawm gawgap ai lam hta, naw tsan gang nga ai hpe gap hkat jahkring da sai wuhpung PPST a ningbaw Du daju Ywat Sit hku nna, tsun shaga ai hpe chye lu ai.

Zuphpang a Hpawng hpaw hkalum ga shaga ai shaloi, NLD Asuya aten ladaw hta, Tsaban 21 Panglung zuphpawng hpe 3 lang lu galaw ai raitim, awngdang ai lam hpe grai n mu lu ai lam gaw, wuhpung shagu hku n’na, tinang a hkrang masa hpe n shayawm ai sha jum tek da ai majaw hte, Myen hpyen dap ni mung, shanhte a masa lam hpe sha ngang ngang, jum tek da ai majaw byin ai ngu Du daju Ywet Sit tsun shaga wa sai.

Manga ya tup galaw na PPST a zuphpawng hta, gawda ai tara a lam, simsa lam bawngban hpawng ni bai matut lajang wa lu na matu hte NCA hta ta masat grai n htu shi ai rawt malan hpung ni, shawng lawm wa lu na lam ni hte shawng lam magam bungli ni hpe bawngban na hpe chye lu ai.


REF: RFA
Ja Tawng Naw

LEAVE A REPLY

Please enter your comment!
Please enter your name here