Gawda Ai Tara Gram Lajang Komiti Hpe Ra Lata Me Hte Shagrin

0
17

2019 ning February shata 19 ya shani hta, Naypyidaw Mung hpawm rapdaw zuphpawng hta, 2008 ning gawda ai tara gram lajang komiti hpe, ra lata me jaw nna shagrin ai hpe chye lu ai.

Me lata la ai aten grai n’du shi yang, Myen hpyen dap dat kasa langai hte laga amat ni tsun shaga na ahkang hpyi timung, Rapdaw hpa-awn Duwa T Hkun Myat hku nna, tsun shaga na aten n jaw ai sai.

Me jaw mai ai marai 594 nga ai hta, ning hkap ai 192, lapran tsap – 3, myit hkrum me 389 jaw sai majaw komiti hpaw hpang ai hpe shagrin dat sai.

Komiti hta,
NLD party – 18, hpyen dap – 8, USDP – 2, Rahkaing ANP – 2, Sam SNLD party – 2, lak san party – 1, Balawng TNP – 1, Hkang ZCD – 1, Kachin KSDP – 1, Lisu LNDP – 1, Mon MNP – 1, Kokant KDUP – 1, Wa WDP – 1, NUP – 1, hte yawng 45 shanglawm na hpe shagrin dat sai.

USDP dat kasa 2 hte, Myen hpyen dap a dat kasa marai 8 a mying hpe Komiti hta tang madun ai lam grai n’galaw shi ai.

Komiti hta Mung hpawm rapdaw ningtau ningbaw U Tun Tun Hein gaw ningbaw shara hta woi awn sa wa nna, Komiti a aten ladaw gaw, hpang ai shani kaw nna, tara laika nhprang tang madun ngut ai ten du hkra rai ai hpe chye lu ai.

2008 ning gawda ai tara gram lajang ai komiti hpe Myen hpyen dap dat kasa hte USDP ni myit n’hkrum ninghkap ai lam ni galaw nga ti mung, NLD ni gaw rapdaw kata hta shawa n’gun myit ra ai hku la n’na galaw wa ai majaw, mung masa lam hta shada shayak ai baw grau byin wa mai ai hpe, maram mu nga sai.

REF: VOA, Eleven

LEAVE A REPLY

Please enter your comment!
Please enter your name here