Gaphkat Jahkring Ai Shata Mali Ndu Tim Majan Bai Hpang Sai

0
66

Dingdung Samung, B6 dapdung 36, Kung -4 girna Mungbaw buga Kai Dwi Bum hta KIA, Dung (36) myutsaw hpyen la ni hte Myen dap (99) ni April 20 ya kawn majan laja lana gasat hkat nga ai lam chye lu ai.

April 22 jahpawt hkying 6:30 daram aten hta Kai Dwi Bum hta Myen hpyen hpung ni hpyen man mali hte htim gasat shang wa ai majaw majan laja lana byin ai lam hpe Du up Naw Bu kawn tsun shaga wa sai.

“ Muse mare a sinpraw maga de ang ai, KIA a Dung 36 ginjaw shara gaw nre, shawng lam post ni hpe re, Myen hpyen dap hku nna April shata 30 du hkra gap hkat jahkring ai hpe ndau da ai laman, ya na zawn majan bai gasat wa ai gaw kaja ai lam nre, masat da ai aten htum ai ten du hkra EAO a tang madun wa ai lam hta hkan nna, galaw lajang ai rai jang yawng chyena na re, ndai zawn Myen hpyen dap hku nna htim gasat majan galaw wa ai nga jang shanhte ndau shapraw da ai hpe shan hte nhkan ai lam re ai hpe sha tsun mayu ai,” ngu Du up Naw Bu hku nna tsun wa sai.

KIA dung 36 ginjaw Howa mare dingsa hpe zingla na masing re ai hpe KIA a lit nga ai Du kaba langai tsun wa sai.

Kutkai ninghtawn KIA Ba (6) ginra Dung (9) ginjaw hpe mung gasat na matu Myen dap nu (99) a hpyen n’gun 300 daram Dima mare hta du nga ai hpe mung chye lu ai.

April shata htum maga daw hta, Myen Asuya Peace commission hte KIA, AA, TNLA, MNDAA ni hkrumzup bawng ban na lam nga ai hta ya na zawn Shanglawt ginra hta majan bai byin wa ai hpe mu lu nga ai.

REF: RFA, Shawng lam Shi Sawk
Ja Tawng Naw

LEAVE A REPLY

Please enter your comment!
Please enter your name here