Gaphkat Jahkring Ai Shata Lakawng Bai Jat

0
28

Jinghpaw mung hte Sam mungdaw hta ru di tawn da ai Myen hpyen ginjaw ginwang kaba shara manga hpe Myen hpyen dap hku nna matsun shapraw da ai gap hkat jahkring ai shata 4 gaw April shata 30 ya shani hta masat da ai aten htum mat wa sai hpang, June 30 ya shani du hkra shata lahkawng bai jat ai hpe chye lu ai.

Shata Lahkawng aten ladaw bai jat ai lam hpe Asuya a NRPC hte Dindung myitrum rawt malan hpung 4 hte April shata 30 ya shani hta Muse muklum zuphpawng hta bawngban wa sai.

Myen hpyen dap hku nna, gasat gala ai shayawm nna Simsa lam hpe bawngban jahkrum ai ladat hte bai sa nga nna, 2020 hta Simsa lam magam bungli ni hpe awng dang na matu jasat da ai hpe chye lu ai.

Myen hpyen ni hku nna, Simsa lam hpe 2020 hta lu na hku yaw shada da tim, gap hkat jahkring ai lam hpe Rahkaing mungdaw hta n masat ai shat, ya bai matut ai shata lahkawng hta mung n lawm shi nga ai.

Grau sawng ai hku nga jang gaw, AA hpe hpyen nbung li, laklak kaba sha n’ga, ( MRLS ) Multiple Rocket Launcher System ngu ai matut manoi jak pala laknak hte gap ai hpe Du daju Zaw Min Tun kawn yin la wa sai.

Rahkaing majan hte seng nna Myen hpyen a shi laika sanglang hpawng ngut ai hpang shiga ka ai hta, rap ra ai hku n ka ai majaw RFA hte Irrawaddy shiga dap yen hpe Myen hpyen dap kawn tara dara da ai hpe chye lu ai.

REF: Shawng lam shi sawk, Eleven
Ja Tawng Naw

LEAVE A REPLY

Please enter your comment!
Please enter your name here