Gap Hkat Jahkring Ngut Sai Wuhpung Ni NCA Masa Lam Shai Wa Ai Hpe Myit Tsang Nga

2019 Ning March shata 5-6 ya lapran hta Thai mungdan Chaing Mai mare hta NCA ta masat htu da sai wuhpung ni kawn PPST ( Peace Process Steering Team ) laksan zuphpawng galaw ai hpe chye lu ai.

Lai wa sai 2018 ning October shata 15 ya shani hta galaw ai Asuya, Myen hpyen dap hte ta masat htu da sai Amyu bawsang ni lawm ai chyawm tari zuphpawng ngut ai hpang KNU hte RCSS ni gaw, tara shang hku nna mung masa, hpyen masa hte seng ai zuphpawng lung na matu jahkring da sai. Dai sha n’ga NCA hta ta masat htu sai hpung ni pawng hpaw da ai PPST zuphpawng mung gan hkring nga ai kaw nna, shata 4 daram na ai hpang Chaing Mai muklum hta kalang bai galaw wa sai.

Zuphpawng hpawng mungga hta, Ningbaw Mutu Sae Poe hku nna tsun ai gaw, “ Ya na NCA masa hpe yu jang, mi anhte ni yaw shada da ai, maren mara uphkang ai ahkaw ahkang ni hte Federal Democracy hta npawt tawn da ai Munghpawm masa lam kaw nna shai mat wa sai, dai hpe atsawm dik lik nna bai sharai shading na ra ahkyak nga sai. Lama nna galai shai ra ai lam nga wa tim pyi, NCA hta masat da ai lam ni hte maren n shai ai sha bawngban jahkrum sharai ra na,” lam hpe tsun shaga mat wa sai.

Tsaban 21 Panlung zuphpawng hta, Myen mung kaw nna n garan pru na lam, Madu uphkang aya hte, hpyen dap langai sha nga ai lam ni hta, n mai jahkrum mat wa ai majaw KNU hte RCSS ni hku nna NCA zuphpawng lung ai lam kaw nna gang hkring mat wa sai.

PPST zuphpawng hta, Ningbaw hte ningtau ningbaw shara ni galai na hpe chye lu ai, Ningbaw shara hta KNU amu madu Padoh Saw Tar Doh Mu hte Ningtau ningbaw shara hta RCSS kaw nna Du kaba Pau Hkay ni hpe galai sa wa na lam hpe chye lu ai.

REF: Shawng lam shi sawk, VOA
Ja Tawng Naw

Leave a Reply

Your email address will not be published. Required fields are marked *