Gap Hkat Jahkring Ai Ten Hkumtsup Sai Lam Myen Hpyen Dap Tsun

0
50

2019 Ning March shata 25 ya shani hta Naypyidaw Hpyen labau madun gawk hta Myen hpyen dap kaw nna shi laika sanglang hpawng hpe galaw ai lam chye lu ai.

“ Shata mali gaphkat jahkring ai n’htoi 130 ya daram nga ai, dai aten ladaw gaw simsa lam hte seng nna lajang na rai yang, ram ging ai aten ladaw langai re sai,  dai majaw  dai aten hpe masat ya ai re “, ngu  Du daju jum Soe Naing Oo kawn tsun shaga wa sai.

Myen hpyen dap hku nna, Mungdan kata hte, Maigan majan ni hpe makawp maga na matu galaw nga ai hte, ya aten hta hpyen dap a gasat na atsam hte n’gun gaw kaja htum ai aten re nga sai,  raitimung amyu bawsang rawt malan hpung ni hpe kahpu kanau shada  ngu masat nna, majan  n galaw mayu ai majaw, gap hkat jahkring ai aten hpe lajang da ya nna, Asuya hte hpyendap yen gaw simsa lam hte seng nna bawng ban na matu saw shaga nga ai  lam hpe Du daju jum Soe Naing Oo matut tsun wa sai.

Mabyin masa hep yu jang, shata mali gap hkat jahkring na matu, Miwa Asuya a shadut ai lam ni lawm nna, Myen hpyen dap hku nna NCA hta grai sharawng ai hku nna, rawt malan hpung ni hpe hkrumzup bawng ban ai lam ni hpe n galaw ai, dai sha n’ga,  FPNCC hpung hte KNPP ni Nay pyi daw hta du wa tim mung, mi shawng hta shiga pru nga ai hte maren , Awng San Suu Kyi hte, Myen hpyen dap dat kasa ni laksan  hkrum na hku tsun da tim, FPNCC maga de nna, chayawm tari ningbaw ni n’lawm ai majaw,  hkrum na lam ni hpe n galaw sai hpe mu lu nga ai.

2018 ning December shata 21 ya kawn 2019 Ning March shata 23 ya shata masum laman hta,               * Myen hpyen dap hte majan gasat ai alm (30 ) lang,                               * rawt malan hpung shada gap hkat ai ( 40 ) lang,                                  * shara tawt lai nna shamu shamawt ai ( 380 ) lang,                                * kang hta ai ( 32 ) lang,                                                                                   * hpyen ma lahkawn ai ( 38 ) lang,  byin nna,  SSPP hpung hte malawng maga majan gasat gara ai lam mung tang madun mat wa ai hpe chye lu ai.

REF: Irrawaddy, VOA

Ja Tawng Naw

LEAVE A REPLY

Please enter your comment!
Please enter your name here