Gap Hkat Jahkring Ai Hpe August 31 Ya Shani Du Hkra N’htoi Bai Jat

0
73

2019 ning June shata 30 ya shani hta, Ginjaw Myen Hpyen Dap Makawp Makawp maga rung kan n’na simsa lam hte seng ai gap hkat jahkring ai lam hpe lawu na hte maren ndau shana ai hpe chye lu ai.

◼  Myen mung a simsa lam masa hte seng n’na, Myen hpyen dap hku n’na  simsa ai lam hpe grau galaw lu na matu, hpyen ginwang ginjaw shara 5 hpe, 2018 ning December 21 kawn 2019 ning April 30 ya shani du hkra kalang,  2019 ning May shata praw 1 ya kaw n’na, June 30 ya shani du hkra kalang mi gap hkring jahkring ai lam hpe galaw ya sai.

◼ Gap hkat jahkring da ai aten hta,  simsa ai lam hte seng n’na bawng ban lu ai hpe mu lu ai, dai majaw matut n’na mung shawa ni a simsa ai lam hpe myit mada nga ai lam, shang lawm nga ai , wuhpung wuhpawng ni yawng hku n’na simsa ai lam masa hpe grau kam ai lam hte galaw lu na matu yaw shada let, hpyen ginwang ginjaw shara 5 hpe 2019 August shata 31 shani du hkra gap hkat ai lam hpe jahkring mat na hpe, ndau shana ai hpe chye lu ai.

Ndai masa hpe yu jang gaw, FPNCC malawm hpung 4 hte bilateral galaw na matu lawnglam ni hpe bai jahkrum ra ai hta, Rahkaing mungdaw hta shara la hpang nga ai AA ni hpe n’lu shamyit shi ai majaw mung, n’htoi bai jat ai masa re ai hpe maram lu nga ai.

REF: Shawng lam shi sawk

Ja Tawng NAW

LEAVE A REPLY

Please enter your comment!
Please enter your name here