France Uphkang Ai New Caledonia Mungdan A Mung Shawa Ra Madun Poi Mahtai

0
62

France ( colony ) sumtsan shadip shahpang ga hku nga taw ai New Caledonia mung dan hku nna 2018 Nov 5 ya shani hta mung shawa ra madun poi a mahtai gaw, France uphkang ai n’pu hku nna matut nga mat wa na hku mahtai pru wa ai.

Ra madun poi a mahtai hpe yu jang, Me jaw ai shawa gaw 81% nga nna,  57% gaw France hte matut nna rau nga na hku  me jaw ma ai, 44% gaw France mungdan n’pu kaw nna garan pru na matu me jaw sai.

Mungkan Munghpawm hpung ( UN ) hku nna ndai mungkan hta   madu ra ai hku upadi masat jahkrat awmdawm ahkang  ( self-determination )grai nlu shi ai mungdan ni hpe masat da ai hta, mungdan 17 nga nna, Ndai Pacific  zinlawng  New Caledonia mungdan ma  lawm ai lam chye lu ai.

New Caledonia mungdan hta bawsang Kanak myu sha ni 40% daram nga nna, mungdan hta me jaw mai ai masha marai  175,000 nga ai hpe matut nna chye lu ai.

Mungdan shawa hta na 27% daram gaw Europa mungdan nna bu htawt wa ai masha  ni rai  nna, France uphkang ai n’pu hku nga mayu nna, nkau Kanak  myu sha ni mung France hte rau nga mayu ai majaw, mung shawa ra madun poi hta sum mat ai lam hpe chye lu ai.

 

REF: CNN

Ja Tawng Naw

LEAVE A REPLY

Please enter your comment!
Please enter your name here