FPNCC Ni Majan Lawan Jahkring Na Matu Ndau Shana

FPNCC malawm hpung ni ( KIO/KIA, PSLF/TNLA, MNTJP/MNDAA, ULA/AA) kaw nna December shata 21 ya shani hta Myen hpyen dap ni ndau ai hte seng nna, dai ni na n’htoi 2018 ning December shata 27 ya shani hta, zuphapwng galaw nna ndau shana ai hpe chye lu ai. Dai n’dau shana ai hta:


1) FPNCC ni a Dec 27 ya na ndau laika gaw, lahkawng maga hkrum zup bawngban hpang wa lu na lam npawt re ai.

2) Myen hpyen dap hte hkrum zup bawngban shaga wa na lam hta, FPNCC ni hku nna, KIO/KIA, PSLF/TNLA, MNTJP/MNDAA, ULA/AA wuhpung 4 gaw arau sha Miwa mung hta hkurmzup bawng ban mat na.

3) Myen hpye dap, Myen Asuya hte bawngban shaga mat wa ai shaloi, sakse ni hku nna, UWSP/UWSA, SSPP/SSA, PSC/NDAA wuhpung ni hpe saw shaga mat wa na.

4) Myen mung gumsan magam wa hku nna, Myen hpyen dap a hpyen man ginwang shara ni hta kalang ta hyen hte seng ai shamu shamawt ai lam ni hpe jahkring na matu n’dau shana ya na.

5) Rahkaing mungdaw hta FPNCC malawm rai nga ai LUA/AA hpe htim gasat majan galaw nga ai lam ni hpe lawan jahkring ya na.

6)Myen Asuya hte Myen hpyen dap hku nna No (4) hte (5) hpe lajang ya ai rai jang FPNCC ni a hpyen shamu shamawt ai lam ni hpe jahkring da mat na lam ni hpe ndau shana da ai.

Ndai lam ni hpe yu maram jang, Myen hpyendap ni, shanhte ra ai hku ndau shana tim, FPNCC maga de na gaw lahta na lam hte sha lajang mat wa na majaw, Myen ni masu magaw galaw nga ai simsa lam bawng ban ai hte, majan gap hkat jahkring ai gaw, lachyum n’pru ai de du wa n’na, majan gasat ai lam de grau lam yawng wa na hpe mu lu nga sai

REF: VOA, Shawng lam shi sawk
Ja Tawng naw

Leave a Reply

Your email address will not be published. Required fields are marked *