FPNCC Ni Gap Hkat Jahkring Ai Ga Sadi Sakse Ta Masat Shawng Htu Lajang Na Tang Madun Sai

FPNCC Dingdun myitrum rawt malan pawng hpawm hpung ni hku nna, Wuhpung mali pawng nna NCA hpe bawng ban ai lam grai n galaw shi yang, gap hkat jahkring ai hte seng nna lahkawng maga myit hkrum ai ga sadi sakse ta masat htu ai shawng galaw na matu, Asuya simsa lam komishin hpung de tang madun dat ai lam hpe FPNCC kawn tsun shaga wa ai hpe chye lu ai.

KIA, AA, TNLA, MNDAA ni hte Asuya Simsa Lam Komishin ni hte 2019 ning February shata 25 ya shani hta Miwa mungdan Kunming muklum hta hkrumzup bawngban wa ai shaloi, lahta na lam hte maren tang madun sai hpe, TNLA shiga shana shabra lithkam Du Kaba Mai Aik Kyaw kawn tsun shaga wa sai.

Tara shang zuphpawng n’re ai majaw, tang madun da ai lam ni hpe lahkawng maga na ningbaw ni hpe bai tang madun ngut ai hpang, hpang na kalang bai hkrum shaga na hku myit hkrum da ai lam sha re ai hpe Du kaba Mai Aik Kyaw matut tsun sai.

Lai wa sai hkrumzup bawngban hpawng ni hta, AA rawt malan hpung hpe masam maram yu ai madang hku sha shang lawm shangun lai wa sai, ndai lang chyawm gaw zuphawng kata hta shanglawm bawngban na ahkang jaw dat sai majaw, FPNCC malawm hpung mali hte shawng na lang hkrum zup bawng ban ai zuphpawng rai wa sai hpe chye lu ai.

REF: Shawng Lam Shi sawk, RFA
Ja Tawng Naw

Leave a Reply

Your email address will not be published. Required fields are marked *