FPNCC Malawm Hpung Ni Yawng Myen Asuya, Myen Hpyen Dap Hte Hkrum Na Hkyen

Myen Asuya a Simsa lam hte seng ai, NRPC Kawn FPNCC hte KNPP ni hte du wa na March shata 21 ya shani hta hkrum shaga mayu ai lam hte seng nna saw shaga wa ai hpe, FPNCC a malai UWSA “ Wa “ amyu sha hpung kaw FPNCC ni yawng zuphpawng lung na lam hpe March shata 16 ya shani hta tsun shaga wa sai hpe chye lu ai.

NCA hta ta masat grai nhtu shi ai hpung shagu hpe saw shaga ai laika hku jaw tim, rawt malan hpung ni maga hku nna gaw, FPNCC wuhpung hku sha lung na matu hkyen da ai hpe “ Wa “ amyu sha hpung a Lasho htinglu htinglai lithkam U Nyi Yan kawn tsun shaga wa sai.

March shata 21, shani hta gaw, Asuya ningbaw ni hte hkrum shaga nna, March shata 22 ya shani hta gaw, Myen hpyen dap hku nna FPNCC a malawm hpung langai hpang langai hkrum shaga na hku lajang da ai hpe chye lu ai.

REF: Shawng lam shi sawk
Ja Tawng Naw

Leave a Reply

Your email address will not be published. Required fields are marked *